Мұқағали Мақатаев атындағы тірек орта мектебінде (РО) 17 қыркүйек күні «Birge – taza Qazaqstan» бүкіләлемдік акциясын өткізу мақсатында, 1-4 сыныптары арасында «Табиғат – біздің досымыз» сурет салу байқауы өткізілсе, ал 5-9 сыныптары арасында «Табиғат және парасаттылық» тақырыбында сынып сағаттары өткізілді. Сонымен қатар, 18 қыркүйек күні «Табиғат әлемін қорғайық» атты 10 сыныптары арасында флешмоб ұйымдастырылып, мектеп түлектері мен мектеп ұжымы сенбілікке шығып, тал отырғызып, осы бүкіләлемдік экологиялық акциясына белсене атсалысты.

М.Мақатаев атындағы тірек орта мектебінде (РО) 13 қыркүйек күні Тәуелсіздігіміздің 30 жылдығына орай "Тәуелсіздік деп соғады жүрегіміз" атты мерекелік кеш өтті. Мерекелік кешке мектеп директоры А.Сихимова, пән мұғалімдері және 10-11 сынып оқушылары қатысты. Оқушылар іс-шара барысында Тәуелсіздік жылдары жеткен жетістіктерімізге жеке-жеке тоқталып, көрініс көрсетіп, ән айтып, би биледі.

15 қыркүйек күні М. Мақатаев атындағы тірек орта мектебінде (РО) 11 сынып оқушылары Н. Назарбаев Зияткерлік мектебінің Қазақстан Республикасының Тәуелсіздігінің 30 жылдығына арналған «Тәуелсіздік - Мәңгілік елдің тұғыры» атты ашық сабаққа қашықтықтан тамашалады.