Құрметті Мұқағали Мақатаев атындағы тірек орта мектебінің ұжымы, құрметті ата-аналар мен оқушылар! Жаңа Жыл құтты болсын! Адам баласы Жаңа Жылдан көп жақсылық күтеді, Жаңа Жылға көп үміт артады.Жаңа Жылға бәріміз таза ниетпен, нық қадаммен аттайық. Жаңа Жылда жаңа табыстарға жете берейік!Жаңа жыл жағымды жаңалықтарға толы болып, нәтижелі жетістіктер көп болсын

Усинова Фарида- мектепалды даярлық сынып мұғаліміне 

2022 жылы 21 желтоқсанда Мұқағали Мақатаев атындағы тірек орта мектебінде (РО) үйірме жетекшілері Асенова Қазына және Кайбагарова Нұрзада жоспарға сәйкес 8-9 сынып оқушыларының қатысуымен «Мемлекеттік рәміздер – елдігіміз бен бірлігіміз» атты дөңгелек үстел өткізді. Мақсаты: Мемлекеттік рәміздерді жан - жақты таныстыру, халқымыздың өткені мен бүгінгі күндеріне қысқаша шолу жасау, оқушыларды отанды сүюге, рәміздерді құрметтеуге үйрету, өз отанының патриоты етіп тәрбиелеу. Дөңгелек үстелге оқушылар белсене қатысты. Оқушылар мемлекеттік рәміздердің тарихы, авторлары жайында, елтаңба мен туда бейнеленген бейнелердің мағынасын ашып айтып, өз білімдерімен бөлісті. Әнұран шырқалып, рәміздер туралы слайд, бейнебаян көрсетілді. Дөңгелек үстелге мектеп басшылары, ұстаздар, оқушылар қатысты. Жексенбаева Баян Ниятуллақызы дөңгелек үстелге қатысушыларды мерекемен құттықтады және рәміздер мемлекеттің тәуелсіздігінің мықты тіреуі болып табылатынын, әрбір азамат оларды сыйлауға тиіс екендігін еске салды.

Мұқағали Мақатаев атындағы тірек орта мектебінде (РО) 14 желтоқсан күні 8 сынып оқушыларымен сынып жетекшілері З.Кокеева, Г.Қазанбаева, А. Медеубаева, Ғ.Таурбекова Тәуелсіздік күніне орай "Тұғыры биік-Тәуелсіздік" тақырыбында дөңгелек үстел өткізді.
Мақсаты: қазақ елінің жүріп өткен жолдары, Тәуелсіз Қазақстанның жеткен жетістіктері мен ел болу жолындағы атқарылып жатқан жұмыстар жайында оқушылар бойында білім қалыптастыру, оқушыларды Отанын, халқын сүюге, патриоттық сезімге тәрбиелеу.
Дөңгелек үстел барысында оқушылар Тәуелсіздікке жету жолында қазақ халқының бастан кешкен оқиғаларын, Тәуелсіздік жылдары жеткен жетістеріміз және болашақ Қазақстан туралы өз ойларын ортаға салды.

2022 жылы 15 желтоқсан күні Мұқағали Мақатаев атындағы тірек орта мектебінде (РО) «Оқуға құштар мектеп » жобасы аясында директордың оқу-ісі жөніндегі орынбасары Б.Джексенбаева, кітапханашылар А.Тоқтыбаева, А,Әбдеш және қазақ тілі мен әдебиеті пәнінің мұғалімі Г.Ибрагимованың ұйымдастыруымен экспериментке алынған 8-9-сынып оқушылары арасында «Кітап- рухани байлығымыз!» тақырыбында танымдық кеш өткізілді.
Оқушыларға кітаптың адам өміріндегі маңызды білім құралы екенін түсіндіре отырып, елінің үмітін ақтайтын, өткен ұрпақтың есесін түгендеп, келешек ұрпақтың мерейін үстем ететін Тәуелсіз еліміздің білімді ұрпақтарын тәрбиелеу мақсатында өткізілген танымдық кеште «Мен оқыған бір кітап», «Кітап пен қалам егіз ұғым», «Білім көзі - кітапта», «Көрерменге сауал» кезеңдері бойынша түрлі тапсырмалар орындалды. «Мен оқыған бір кітап» кезеңінде оқушылар өздерінің оқыған кітаптарынан түсінгендерін оқиғаның сюжеттік желісі бойынша талдап, мазмұнын айтса, «Кітап пен қалам егіз ұғым» бөлімінде оқушылар өздері оқыған шығармаларының авторына және ұнамды, ұнамсыз кейіпкерлеріне деген ерекше сезімдерін хат жазу арқылы толқыныспен әсерлі жеткізе білді. Келесі «Білім көзі - кітапта», «Көрерменге сауал» бөлімдерінде сұрақтарға жауап беріп, көрермендермен ой бөлісті. Көрермендер де өз кезегінде бүгінгі көпшіліктің санасы ғаламторға шырмалған заманда өзекті болып , ел мұңына айналған сауалдар төңірегінде ой қозғады.
Кітапханашы А.Тоқтыбаева кітапханамыздың қорын толықтырып отырған жаңа кітаптарды оқуға шақыру мақсатында «Жаңа кітап- жаңа әлем» атты кітап көрмесімен оқырмандарды таныстырып өтті.
Кеш соңында белсенділік танытқан оқушылар алғыс хаттармен марапатталды.

07.12.2022 жылы Мұқағали Мақатаев атындағы тірек орта мектебінде(Р.О) 9 -шы сынып оқушыларымен "Мамандығым мақтанышым" тақырыбында педагог кәсіби бағыт бағдар беруші Асаиынова Ж.Ж кездесу өткізді.
Мақсаты: мамандықты таңдауда бағыт беру.
Кездесу мектеп түлегі Қиқымбаев Ғани Қуанышұлымен өтті.