Мұқағали Мақатаев атындағы тірек орта мектебінде жалпы ата-аналар жиналысы өтті. Жиналыс барысында мектеп директоры Сихимова Алтынкүл Мадиомарқызы 2021-2022 оқу жылының қорытынды есебін беріп, мектептің ішкі тәртіп ережелері мен балалардың қауіпсіздігі басты назарда екендігін атап айтты.
Мектеп директорының құқықтық тәрбие ісі –жөніндегі орынбасары Мырзаханова Лаура Ауесханқызы балалардың қауіпсіздігі,балаларға қатысты зорлық-зомбылықтың алдын алу бойынша кәмелетке толмағандардың көшеде түнгі сағат 23:00 беймезгіл уақытта жүрмеуі, көшеде танымайтын адамдармен әңгімелеспеу және онымен қараңғы жерлерге, адамдар жоқ орындарға және т.б. жерлерге бармау. Әрбір ата-ананың назарына, кәмелет жасына жетпеген балаларын қараусыз қалдырмауды, бала тәрбиесімен тұрақты түрде айналысуды ескертеміз. Сондықтан ата-аналар өз балаңыздың өміріне жауапты екеніңізді ұмытпаңыздар деп ескертті.
Мектеп психологі Тулебаева Құралай «Жасөспірімдер арасындағы булинг пен кубербуллинг» тақырыбында түсіндірме жұмыстарын жүргізді.

М.Мақатаев атындағы тірек орта мектебінде (РО) 22-қыркүйек күні кезекті Ұланбасын сайлауы болып өтті. Ұланбасын сайлаудағы мақсат: өскелең жас ұрпақтың бойында патриоттық, білім мен өзін-өзі жетілдіруге деген құштарлық, Отанға деген сүйіспеншілікті арттырып, Тәуелсіз Қазақстанның бүгіні мен болашағына деген жауапкершілікке тәрбиелеу болып табылды.Сайлау алдында бір жұма бұрын талапқа сай осы лауазымға 6 кандидат өз өтініштерін берді, яғни «Жас Ұлан» ББЖҰ-ның мүшелері 8- сынып оқушылар санынан қатысты. Кандидаттар өзінің сайлау алдындағы науқанды бағдарламамен таныстырып, алдағы жылда жасайтын жұмыс жоспарын нақты көрсетті. Сайлауға: 8-9 сынып оқушылары қатысты. Сайлауды 3 адамнан құралған сайлау комиссиясы өткізді, яғни «Жас Ұлан» ББЖҰ-ның мүшелері: сайлау комиссиясының төрайымы Құрманғали Ұлжан, сайлау комссиясының мүшесі: Конрат Диас, Ниетбек Әсель. Дауыс беру қорытындысы бойынша 8 сынып оқушысы Истибаев Адлет ең көп дауыс жинап, мектеп Ұланбасы болып сайланды. Салтанатты жиында 2019-2022 оқу жылында Ұланбасы болған Құрманәлі Ұлжан Ұланбасы төсбелгісін Истибаев Адилетке тағып, өзінің көшбасшылық қасиетін ұштай отырып, алдыңғы қатарлы оқушылардың бірі болуға тілектестігін білдірді.

ЖАМБЫЛ ОБЛЫСЫ ӘКІМДІГІНІҢ БІЛІМ БАСҚАРМАСЫ
Шу ауданының білім бөлімінің
«Мұқағали Мақатаев атындағы тірек орта мектебі» (РО)
коммуналдық мемлекеттік мекемесі
Педагогикалық әдеп жөніндегі кеңес отырысы
Күн тәртібінде:
1."Педагогикалық әдептің кейбір мәселелері туралы" Қазақстан Республикасы Білім және ғылым министрінің 2020 жылғы 11 мамырдағы №190 бұйрығы, «Білім туралы» 2007 жылғы 27 шілдедегі Қазақстан Республикасы Заңының 5-бабының 34-1) тармақшасына сәйкес, «Педагог мәртебесі туралы» 2019 жылғы 27 желтоқсандағы Қазақстан Республикасы Заңының 5-бабының 3-тармағына және 16-бабының 1-тармағына сәйкес педагогикалық әдепті қамтамасыз ету және сақтау нормалары
1.Күн тәртібіндегі бірінші мәселе бойынша кеңес төрайымы Г.Есболганова сөз алып, педагогикалық этика нормаларына сәйкес төмендегі бұйрықтарды баяндады.
Қазақстан Республикасы Білім және ғылым министрінің 2020 жылғы 11 мамырдағы № 190 Педагогикалық әдеп қағидалары туралы жалпы ережелермен;
«Білім туралы» 2007 жылғы 27 шілдедегі Қазақстан Республикасы Заңының 5-бап. Білім беру саласындағы уәкілетті органның құзыреті 34-1 педагогикалық әдеп қағидаларын әзірлейді және бекітеді;
Педагог мәртебесі туралы» 2019 жылғы 27 желтоқсандағы Қазақстан Республикасы Заңының 5-бап. Педагогтік әдеп 3. Педагогтік әдепті білім беру саласындағы уәкілетті орган бекітеді. 16-бап. Педагогтік әдеп жөніндегі кеңес 1. Педагогтік әдеп жөніндегі кеңестің қызметі білім беру саласындағы уәкілетті орган бекітетін педагогтік әдеп жөніндегі кеңестің жұмысын ұйымдастырудың үлгілік қағидалары негізінде білім беру ұйымы айқындайтын тәртіппен жүзеге асырылады.
Шешімі:
1.Берілген ақпаратты ескере отырып, әрі қарай жұмыстар жалғасын тапсын.
2.Педагогтардың көпшілік ортадағы әдеп-этикалық нормалары қатаң сақталсын.

Мұқағали мақатаев атындағы тірек орта мектебінде (РО) 17 қыркүйек күні «World Cleanup day» акциясы өткізілді.
Акцияның мақсаты: қоршаған ортаның тазалығына көніл бөле отырып, жауапкершілік пен таза ұстауға баулу. Бүгінгі акцияға мектебіміздің «Жас Ұлан» ұйымының белсенді жастары да санитарлық тазарту мен көгалдандырудың сенбілік акциясына белсене қатысты.