М.Мақатаев атындағы тірек орта мектебінде (РО) қазақ тілі мен әдебиеті пәні бірлестігінің айлық жоспарына сәйкес 27.01.2022 жылы қазақ тілі пәнінің мұғалімі Джилкибаева Диляра Аманқызы "Менің досым- шебер” тақырыбында 3 "Е" сынып оқушыларымен ашық сабағын өткізді. Сабақ бойы оқушылар берілген тапсырманы орындауда белсенділік көрсетті, ұлттық құндылықтарды қастерлеуге және намысшылдыққа, ұйымшылдыққа, елін, отбасын сүюге тәрбиеленді. Үлкенге құрмет, кішіге ізет көрсету басшылыққа алынды.

Мұқағали Мақатаев атындағы тірек орта мектебінде (ро) 2022 жылдың қаңтар айының 12-де кезектен тыс жалпы ата-аналар жиналысы өтті. Жиналысқа мектеп әкімшілігі, сынып жетекшілері, қамқоршылық кеңес төрайымы, әдеп кеңесінің төрайымы және 1-11 сынып ата-аналары қатысты. Бүгінгі кезектен тыс ата-аналар жиналысы елімізде орын алып жатқан келеңсіз жағдайға байланысты өткізілді. Мектеп директоры А. Сихимова өз сөзінде, осындай сәтте бәріміз болашағымызды, елдің тыныштығын, өскелең ұрпақты ойлауымыз қажет деп білемін, сонымен қатар, мемлекет басшысы Қасым-Жомарт Кемелұлы Тоқаевтың осы күндері қабылдаған әрбір шешімдері, әрбір қадамдары ел тағдырын қорғауға және сақтауға, соның ішінде балалар мен жастардың қауіпсіздігіне бағытталған. Сондықтан да, Президентіміздің барлық бастамаларын қолдай отырып, еліміздің біртұтастығын сақтауға шақырамын деп өз сөзін жеткізді.