Мұқағали Мақатаев атындағы тірек орта мектебінде (РО) жасөпірімнің өмір ағымында  кездесетін қолайсыз жағдайлардың алдын алу және болдырмау, жасөспірімнің қиын өмір жағдайларындағы құқығын қорғау және сақтау, жасөспірімнің оқу мен тәрбиесіне байланысты мәселелерді шешу үшін отбастарына көмек көрсету, оқушылармен байланысты туындаған дау-дамайды шешу үшін педагогтарға көмек көрсету мақсатында оқушылар мен ата-аналар арасында түсіндірме жұмыстары жүргізілді.

Мұқағали Мақатаев атындағы тірек орта мектебінің ұстаздары Нұрлыбеқызы Мақпал мен Адишев Бекнұр магниттік мектептер арасында «Жаңа форматты мұғалім қандай болуы керек?» тақырыбы аясында коучинг өткізді. Коучинг ZOOM платформасы арқылы жүргізілді. Қатысқан мұғалімдер «өте жақсы» деп бағалап, ұйымдастырып отырған мектеп директорының ғылыми-әдістемелік ісі жөніндегі орынбасары Пазылбекова Айзада Қазбекқызына алғыстарын білдірді. Сонымен қатар С.Шәкіров, Әл-Фараби, М.Әуезов, Алға орта мектептерінің ұстаздары кері байланысқа шығып, өз тілекерін, ұсыныстарын жеткізді. Соңында Айзада Қазбекқызы қорытындылап, болашақта магниттік мектептерді осындай жұмыстар өткізуге шақырды.