Мұқағали Мақатаев атындағы тірек орта мектебінде (РО) 2023 жылдың 28 сәуірінде, 1-мамыр Қазақстан халқының бірлігі күніне орай "Бірлігіміз жарасқан" атты концерттік бағдарлама өткізілді. Мақсаты: оқушыларды ынтымақтыққа, достыққа, өз Отанын сүюге, қорғауға тәрбиелей отырып, елімізде тұрып жатқан басқа да халықтардың озық мәдениетін, өзіндік үлгі - өнегесін оқушылардың бойына сіңіру. Іс-шара 6 - сынып жетекшілерінің ұйымдастыруымен өтті. Мектебіміздің 6-сынып оқушылары әр ұлттың мәдениеті мен өнерлерін көрсетті. Іс-шараны "Ақкөгершін" әнімен ашты. Қазақ, өзбек, ұйғыр, орыс, испан, үнді халықтарының ұлттық билерін билеп, әндерін айтты. Іс-шара өте жақсы ұйымдастырылған, оқушылардың дайындықтары жоғары дәрежеде болды. Іс-шара мектебіміздің директоры Алтынкүл Мадиомарқызының құттықтау сөзміен аяқталды.

2023жылдың сәуір айының 25 күні М.Мақатаев атындағы тірек орта мектеп директорының эксперимент ісі жөніндегі орынбасары Джексенбаева Баян Ниятуллақызының ұйымдастыруымен Дулат Исабековтың 80 жас мерейтойына 8 «в» сынып оқушыларының дайындаған жазушының «Әпке» драмасы магниттік шағын орталықты Алға орта мектебінде сахналанып, қойылды.
Мақсаты:-Шығарма мазмұнын игере отырып,туындыда көтерілген әлеуметтік мәселені ұғындыру;
-Драмадағы әр тұлғаның жеке адами көзқарасын туындату арқылы отбасы құндылығын түсінетін ой қалыптастыру;
- «Әпке» драмасының мағынасын түсіну,идеясын ашу, талдау, кейіпкерлер бейнесін ашу;
- «Әпке» драмасының мейірімділік,төзімділік,сыйластық, адамгершілікке жетелейтін қасиеттерін оқушылардың бойына сіңіре білу.
Бұл танымдық сағат 8 «в» сынып жетекшісі Казанбаева Гульнур Бейсенбайқызы мен қазақ тілі мен әдебиеті пәні мұғалімі Шайдахметова Гүлнар Сүйімбекқызының басшылығымен дайындалды.Оқушылар жазушының өмірінен деректер келтіріп,драма желісінің сюжеті бойынша отбасы құндылығына,мейірімділікке,төзімділікке төзе білген,бауырлары үшін өз өмірін тәрк еткен Қамажайдың бейнесін Өмірзақ Балжан сомдаса,ғашық болған Қабеннің бейнесін Опабек Нұрдәулет,бауыры Тимурдың ролін Мұсақұл Азамат нақышына келтіріп орындап,көрермендер жүрегінен орын алды. Көрермен ретінде Ә.Молдағұлова орта мектебінің,Ш.Мұртаза орта мектебінің,Алға орта мектебінің,Жайсан орта мектебінің оқушылары мен мұғалімдері келіп тамашалады.Олар да өз ойларын ортаға салып,қойылған кері байланыс сұрақтарына жауап беріп,оқушыларға болашақта жоғары деңгейде көрінулеріне тілектерін білдірді.Қонақ ретінде шақырылған Смағұлова Шамшат тәтей,мектеп директоры Е.Примбердиев алғысын білдірді.

Мұқағали Мақатаев атындағы (РО) тірек орта мектебінде 2023 жылдың 21 сәуірінде көктемгі сессия барысында мектебіміздің 8 сынып оқушыларының ұйымдастыруымен танымдық сағат "Өмір жолын шерте білген-Сайын!" тақырыбында Сайын Мұратбекұлының повесіне қойылым қойылды. Мақсаты: Оқушыларды С.Мұратбекұлының "Жусан иісі" шығармашылығындағы Аян бейнесін ашу арқылы ауылдың ауыр тұрмыс жағдайы туралы мол мағлұмат беру, оқушыларды адамгершілікке, шыдамдылыққа, қайсарлыққа, отансүйгіштікке тәрбиелеу.
Танымдық сағат барысында оқушылар 1941-1945 жылдардағы қазақ халқының тартқан ауыр зардабын, бала-шаға мен қарттарымыздың жетімдіктің, жоқшылықтың ауыртпалығын қалай көтергенін тағдыр тәлкегіне түскен Аян мен өзге кейіпкерлер арқылы көрсете білді.
Танымдық сағатқа мектеп директорының эксперимент ісі жөніндегі орынбасары Б.Джексенбаева, директордың оқу ісі жөніндегі орынбасары А.Алимова, директордың ғылыми әдістемелік ісі жөніндегі орынбасары А. Пазылбекова, директордың құқықтық-тәрбие ісі жөніндегі орынбасары Л.Мырзаханова, пән мұғалімдері, 8-10 сынып оқушылары қатысты.
Танымдық сағат соңында мұғалімдер мен ұстаздар оқушыларға өз алғыстарын айтты.

Төле би ауылы Мұқағали Мақатаев атындағы тірек (РО) орта мектебінде ҚММ- де Шу АПБ-нің ЖПҚ-ның ювеналдық бөлімшесінің полиция лейтенанты Н.А.Кыздарбеков мектеп оқушыларымен «Бөтен біреудың мүлкісін ұрлау», «Интернет алаяқ», «Жасөспірімдер арасындағы құқық бұзушылықтың алдын алу, құқықтық сауаттылықтарын арттыру», «Жол қауыпсыздігі» тақырыптарында түсіндіру жұмыстарын жүргізді

12 сәуір ғарышкерлер күніне орай мектебімізде «Ғарышқа түрен салған қыран қазақ!» атты тәрбие сағаттары мен дөңгелек үстел өткізілді.
Мақсаты: XX ғасырдың 2 - шы жартысындағы адам баласының ғарышты игерудегi жетiстіктері, оның ғылыми маңызы жайында бiлiмдерін кеңейту.Жас ұрпақтың патриоттык, отаншылдық сезімін оята отырып, елiн, жерiн, сүюге, курметтеуге тәрбиелеу. Fылыми жаңалықтардың маңызын түсiне бiлу қабілеттерiн дамыту.

7 сәуір күні М.Мақатаев атындағы тірек орта мектебінде (ро) «Жас Ұландықтар» арасында 8-9- сынып оқушыларының қатысуымен «Дебат – сөз додасы» атты пікірсайыс турнирі өтті. Дебат қарары «Барлық жағынан жетістікке жетудің сыры неде?». Дебатқа екі фракция қатысты «Алаш орда» және «Ұшқын». Нәтижесінде «Ұшқын» фракциясы жеңіске жетті. Дебатқа төрелік еткен 10 – сынып оқушылары Рахым Даниял мен Сұлтан Досымжан

Мұқағали Мақатаев атындағы тірек орта мектебінде 12 сәуір күні -Ғылым күніне орай сағат 12:00 де шахмат ойынынан челендж ұйымдастырылды. Челенджге мектеп ұстаздары мен оқушылары қатысты

М.Мақатаев атындағы тірек орта мектебінде (РО) көктемгі сессияның басталуына орай 2023жылдың 3ші сәуірінде директордың эксперимент ісі жөніндегі орынбасары Джексенбаева Баян Ниятуллақызының ұйымдастыруымен танымдық сағаттар топтамасы өткізілді. Осындай бір танымдық сағатты 9«Б» сыныбының сынып жетекшісі Омбаева Гүлнұр Бақытқызы «Елім деп өткен Ер Махамбет» тақырыбында өткізді. Танымдық сағатты дайындау барысында Омбаева Гүлнұр Бақытқызына қазақ тілі пәні мұғалімі Абитаева Жанерке Нұрмұхамбетқызы бағыт-бағдар беріп, оқушылардың мәнерлеп оқу шеберлігін шыңдаса, Шу аудандық мәдениет үйінің “Актер шеберлігі” үйірмесінің жетекшісі Мақсұт Мақсат Берікұлы актерлік шеберліктерін ұштады. Танымдық сағат барысында 1836-1838 жж Бөкей Ордасында Исатай Тайманұлы мен Махамбет Өтемісұлының басшылығымен шаруалар көтерілісінің себептері, барысы, нәтижесі жайлы мағлұматтар беріліп, Жәңгір хан мен Махамбет арасындағы қарым-қатынас, Махамбет пен Исатай арасындағы қарым-қатынас тарихи сахналық қойылыммен айшықталды. 9 «Б» сынып оқушылары Махамбеттің ұзақ жырларын жатқа оқып, күйлерін орындады. Соңында Махамбеттің өлімін жырға қосатын М.Шахановтың «Нарынқұм зауалы» поэмасының желісімен сахналық қойылым көрсетілді. Танымдық сағат оқушылар мен ұстаздардың жүрегін шымырлатып, көңілінен шықты, оқушылар көптеген қосымша мәліметтер алып, тарих пәніне деген қызығушылығы артты.