Үлкенге ізет, кішіге құрмет көрсетіп.
Жақсылықты жаса қолдан келсе егер,
Біле білсең өзің үшін олжеңіс.
Қазақстанда Қамқоршылар күні жыл сайын 29 қазан күні атап өтіледі. Бұл күн – қамқоршы ата-аналардың еңбегін насихаттап, балаға жылулық пен махаббат сыйлайтын отбасыларға құрмет көрсетуге арналған. Қамқоршылар күні – мейірімділік пен ізгілікке толы ерекше мереке. Бұл күн қоғамдағы ең жауапты, жүрегі жылы адамдарға — өз қамқорлығына мұқтаж балаларды тәрбиелеп отырған ата-аналарға, қорғаншыларға, патронаттық тәрбиешілерге арналады.
Мерекенің мақсаты: Қамқоршы отбасылардың еңбегін бағалау;
Балаларға қамқорлық көрсетіп жүрген жандарға алғыс білдіру;
Қамқоршылар күні — қоғамның ізгілік пен адамгершілікті бағалай білетіндігін көрсететін мереке. Бұл күн — балаға махаббат пен қамқорлықтың қаншалықты маңызды екенін еске салатын ерекше күн.
Қазіргі таңда Мұқағали мақатаев атындағы тірек орта мектебінде 2 білім алушы қорғаншылықта тәрбиеленуде. «Жетім көрсең, жебей жүр»-деген қағиданы ұстанған азамат балаға әкенің тәрбиесімен ананың мейірімін сыйлауда. Мектеп әкімшілігі балаларды қамқоршылыққа алған Нұрпазилова Шолпан Сағынышбекқызына алғыс хат және сыйлық сыйға тартты. Ата-ананың қамқорлығынсыз қалған баланың тағдырына немқұрайлы қарамағанына шексіз алғыстарын білдіріп, мықты денсаулық тіледі.
