10 қараша күні шығармашылық топтың жетекшісі Ақылбекова Білжан Арыстанбекқызы "PISA халықаралық зерттеу тапсырмаларын орындату арқылы оқушылардың ойлау көкжиегін кеңейту" тақырыбында коучинг өтті. Жалпы мақсаты: әлемнің қарқынды өзгеру жағдайында мұғалімдерді табысты жұмыс істеуге, ұстаздардың нәтижелі іс-әрекеттері негізінде оқушылардың оқуға қызығушылығын арттыру және алған білімдерін өмірде қолдана алуына бағыттау. Коучинг барысында ұстаздар өз ойларын ортаға салып, топта белсенділік танытып, өзара пікір алмасты.

"Әрбір Бала-дана бала!" Күзгі каникул кезінде балалардың демалысын бос уақытын тиімды пайдалану, шығармашылығын дамыту мақсатында Абдукаимова Фаризат тәтимен 8-9 сынып оқушылары арасында "Өлке өрнектері" шығармашылығы

Қайырымды бола білу үлкен іс,
Үлкенге ізет, кішіге құрмет көрсетіп.
Жақсылықты жаса қолдан келсе егер,
Біле білсең өзің үшін ол жеңіс.
Жыл сайын 29 қазанда Қазақстан Республикасында «Қамқоршылық күні» аталып өтеді. Бұл іс-шараның мақсаты – жетім балалар мен ата-анасының қамқорлығынсыз қалған балаларды тәрбиелеп жатқан қамқоршыларды қолдау, өздерінің отбасыларына балаларды алуға ниет білдіретін азаматтардың санын көбейту бойынша түсіндіру жұмыстарын жүргізу.
Баланы өз отбасына тәрбиелеу үшін алған отбасыларға алғыс айту, бөтен баланы бөтенсінбейтін және біреудің тауқыметіне немқұрайлы қарамайтын адамдарды марапаттау.
Қазіргі таңда М.Мақатаев атындағы шағын орталықты тірек орта мектебінде 1 бала қамқоршылықта тәрбиеленуде. «Жетім көрсең, жебей жүр» - деген қағиданы ұстанған азамат балаға әкенің тәрбиесі мен ананың мейірімін сыйлауда. Ата- ананың қамқорлығынсыз қалған баланың тағдырына немқұрайлы қарамағанына шексіз алғыстарын білдіріп, мықты денсаулық тіледі. «Біз- бақытты баламыз» атты концерттік бағдарлама ұйымдастырылды.

Мұқағали Мақатаев атындағы тірек орта мектебінде (РО) мектепішілік жоспарға сәйкес аса көрнекті мемлекет және қоғам қайраткері, үш мәрте Социалистік еңбек ері, Қазақ КСР Ғылым академиясының академигі, техника ғылымдарының докторы Дінмұхамед Қонаевтың туғанына 110 жыл толуына орай мектебімізде 8-9 сынып оқушыларының қатысуымен үйірме жетекшілері Мырзалиева Насима және Кайбагарова Нұрзада «Ұлтының дара тұлғасы» атты дөңгелек үстел өткізді.
Мақсаты: Оқушыларға қазақтың мәртебесін көкке көтерген Дінмұхамед Қонаевтың өмір тарихы туралы түсініктерін кеңейту, ел үшін еңбек етуге, халқына адал болуға ұлы тұлғаның ерліктерін айту арқылы оқушыларды ұлтжандылыққа, патриоттық сезімге тәрбиелеу.
Дөңгелек үстелге оқушылар белсене қатысты. Оқушылар Д.Қонаевтың өмірбаяны, балалық шағы, оқыған оқу орындары, елі үшін сіңірген қызметі мен еңбектері, марапаттары, қарапайымдылығы туралы дөңгелек үстелде өз білімдерімен бөлісті. Ұлы тұлға туралы ән шырқалып, мұражайы, сөйлеген сөздері туралы бейнебаян көрсетілді.

Мұқағали Мақатаев атындағы шағын орталықты тірек орта мектебінде құқық бұзушылықтың алдын алу мақсатында ата-аналармен білім алушылардың бірлескен чаттарына «Оқушылардың құқықтық анықтамасы» тақырыбында жаднамалар,слайдтар таратылып,түсіндірме жұмыстары жүргізілді

Мұқағали Мақатаев атындағы шағын орталықты тірек орта мектебінде 9-10 сынып оқушыларымен жастар ресурстық орталығының ұйымдастыруымен жастарға салауатты өмір салтын сақтау мақсатында «Біз нашақорлыққа қарсымыз» тақырыбында 10 сыныптар арасында түсіндірме жұмыстары жүргізілді. Есірткі заттарының, ішімдік ішу мен темекі тартудың, нашақорлықтың жас ағзаға тигізер зиянды әсері, өкінішке ұрындырар, келешек өмірлеріне келтірер кесапаты туралы түсінік беру. Ғасыр дертіне айналып отырған кеселді жан – жақты меңгерту мақсатында

1 – қазан Халықаралық қарттар күніне орай М.Мақатаев атындағы тірек орта мектебінің (РО) «Жас Ұлан» ұйымының мүшелері Акшалова Рахат Сайлаукызын мерекесімен құттықтап барды. Құттықтап барудағы мақсат оқушылардың бойына халқымыздың қадір-қасиетін сіңіру,үлкенді сыйлай білуге, өз ата - бабасын ұмытпай есте сақтауға және аталы сөзден ғибрат алуға тәрбиелеу.
Көп жасаған қария,
Ақылы теңіз-дария.
Көп өнеге сөзі бар,
Сөзі соқпақ, сөзі нәр.
Ата салты ардақты,
Әрбір сөзі салмақты.
Сол сөздерді ұқпасаң,
Тістерсің бір күн бармақты.
Мерекеңіз құтты болсын апа

Мұқағали Мақатаев атындағы тірек орта мектебінде 1 қазан қарттар күніне орай «Қарттарын қадірлеген ел ардақты » тақырыбында мерекелік сазды бағдарлама өткізілді.
Мақсаты: Оқушылардың бойына үлкенді сыйлай білуге, өз ата-бабасын ұмытпай есте сақтауға және аталы сөзден ғибрат алуға тәрбиелеу.
Мектебіміздің оқушылары ән-жырдан шашу шашып, мың бұралған бишілердің биімен жалғасып,жиылған көпшілікке мерекелік көңіл-күй сыйлады.

Мұқағали Мақатаев атындағы шағын орталықты тірек орта мектебінің мәжіліс залында мектеп директоры Сихимова Алтынкүл Мадиомарқызы кәсіподақ мүшелеріне «AMANAT» партиясының партиялық билеттерін салтанатты түрде табыстады. Партия мүшелері алдағы уақытта адал қызмет етіп,еліміздің өркендеуіне өз үлестерін қосуады деген сенім білдірді.

Мұқағали Мақатаев атындағы тірек орта мектебінде ұстаздар мерекесіне орай «Ұстаз ұлы-тұлға» атты ұстаздарға арналған мерекелік кеш өткізілді. Мерекелік кешке ардагер ұстаздарымыз бен мектеп ұстаздары қатысты.Кеште оқушыларымыз әсем әндерін айтып,өлең шумақтарын оқып,барша қатысқан ұстаздарға көтеріңкі көңіл сыйлай білді. Кещ барысында ардагер ұстаздарымызғы гүл шоқтары мен сыйлықтар табыс етілді.