0
Мұқағали Мақатаев атындағы шағын орталықты тірек орта мектебінде (РО) 29 қыркүйек күні кезектен тыс ата-аналар жиналысы өтті. Жиналысқа 93 ата-ана қатысты. Күн тәртібінде қаралған мәселе: COVID-19 короновирустық инфекциясының таралауы мен эпидемиологиялық жағдайға байланысты білім беру ұйымдарын қамтамасыз етуге бөлінген қаржыны жұмсау бойынша есеп беру. Мектеп директоры А.Сихимова COVID-19 короновирустық инфекциясының таралауы мен эпидемиологиялық жағдайға байланысты Шу ауданы әкімдігінің білім бөлімі тарапынан мектебімізге 18 дозатор-, 110 санитайзер-5280 теңгеге, 2 кварц-30000 теңгеге, 5 коврик – 9850 теңгеге, 2 тепловизер – 20000 теңгеге берілгендігін, сонымен қатар мектебіміздегі 192 аз қамтылған, көпбалалы отбасынан шыққан оқушыларға 107 роутер-1496930 теңгеге, 10 планшет – 820000 теңгеге, 7 моноблок – 199000 теңгеге, Altel симкартасы – 423720 теңгеге берілгендігін, ал мектеп тарапынан 101 компьютер, 11 ноутбук уақытша пайдалануға берілгендігін айтып кетті. Мектеп директоры жиналыс барысында короновирустық инфекцияның таралу қауіпінің алдын алу бойынша санитарлық-дизенфекциялық талаптардың қатаң сақталуы қажет екендігіне де тоқталып ата-аналарға түсіндіріп кетті.
Мұқағали Мақатаев атындағы шағын орталықты тірек (РО) орта мектебінде 05.102020ж.оқушылардың құқық бұзушылықтың алдын алу жөнінде, қауіпсіз мінез-құлық мәдениетін қалыптастыру, олардың арасында зорлық-зомбылық пен суицидтің алдын алу мәселелері бойынша Zoom форматта 9-11сынып оқушыларымен мектеп инспекторы Пирматов А. қатысуымен кездесу ұйымдастырылды.
«Жамбыл облысы Шу ауданы әкімдігінің білім бөлімінің» 5қазан 2020 жылғы №322 бұйрығына сәйкес 05.10-30.10 аралығында Мұқағали Мақатаев атындағы шағын орталықты тірек орта мектебінде (РО-да) күзгі сессия өз жұмысын бастады. Сессия жұмыстары 05.10-16.10 8-9 сыныптарда, ал 16.10- 30.10-да 10-11 сыныптарда қашықтықтан онлайн режимінде ұйымдастырылды.Сессияға тірек мектебінен 251 оқушы, магниттік мектептерден: Т. Рысқұлов, Алға, Жайсан, Еңбекші орта мектептерінен 154, барлығы 405 оқушы қамтылып отыр. Сабақтар 8:00-13:45 дейін, дамыту жұмыстары 14:30-16:30 дейін жүргізіледі.
Мұқағали Мақатаев атындағы шағын орталықты тірек орта мектебінде (РО) 2020 жылдың 30 қыркүйек күні мектебіміздің түлегі, кинорежиссер, әйгілі «Балуан Шолақ» фильмінің режиссеры Садығұлов Нұргелді Серікұлымен «Жақсы жер – жан тынысы, жақсы өнер - жігіт ырысы» тақырыбында 9-10 сынып оқушыларымен Zoom платформасында кездесу ұйымдастырылды. Мақсаты: Мектеп түлектерімен кездесіп, сыр шертіп, оқушыларға мамандық таңдау бойынша бағдар корсету. Кездесу барысында оқушылар режиссерға әртүрлі сауалдар қойды. Нұргелді Серікұлы режиссерлық жұмыстың қызығы мен жауапкершілігінің қаншалықты маңызды екендігін айта отырып, оқушыларды білім алуға, елі үшін аянбай еңбек етуге шақырды.
Мұқағали Мақатаев атындағы шағын орталықты тірек орта мектебінің (РО) сынып жетекшілеріне"Қауіпсіз мектеп ортасы" Республикалық науқаны аясында, мектеп инспекторы А.Пирматов чат арқылы онлайн режимінде "Кәмелетке толмаған жасөспірімдердің арасында құқықбұзушылықтың алдын алу және қылмыстық жауапкершілігі"тақырыбында түсіндірме жұмыстарын жүргізді. Құқықбұзушылық жасаған жасөспірімдерге қатысты қатаң қылмыстық жауапкершілік туралы жадынамалар ата-аналар мен оқушыларға тәрбиелік мәні бар бейнероликтер,ақпараттық парақшаларды fasebook,Whatsapp, әлеуметтік желілері арқылы таратылды. Бастауыш сынып жетекшісі Р.Дауталиева "Жолда жүру ережесімен" түсіндіріп, қаусіздік туралы түсіндірме жұмысын жүргізді. Құрметті сынып жетекшілері! Кәмелетке толмаған жасөспірімдерге кешкі мезгілде сағ 22-00ден кейін ата-анасыз жүруге,топқа бірігіп ойын-сауық ұйымдастыруға тыйым салынады. Қылмыстық жауапкершілікке қылмысты жасаған жасы 16-ға толған азаматтар тартылатындығы белгілі. Алайда, адам өлтіргені, қасақана денсаулыққа ауыр зиян келтіру, ауырлататын мән-жайларда денсаулыққа қасақана орташа ауырлықта зиян келтіру, зорлау, жыныстық сипаттағы зорлық әрекеттері, ұрлық, тонау, қарақшылық, қорқытып алу, ауырлатылған мән-жайларда бұзақылық, есірткі заттары мен психотроптық заттарды тарату, ұрлық және зорлық-зомбылық үшін тұлғалар 14 жастан бастап қылмыстық жауапкершілікке тартылады. Жалпы құқықбұзушылықтықтың орын алуы себебі, балаға дұрыс қадағалаудың жоқтығынан болады. Әрбір сынып жетекшісі оқушылардың тәртібі мен тәрбиесіне аса мән беріп, бос уақытта немен айналысатынына қатаң бақылау жасаса, жасөспірімдер арасында құқықбұзушылық пен қылмыстың төмендеуіне көп септігін тигізер еді. Ата-аналармен бірлесе алдын алу жұмыстарын жүргізсек ғана, балалар мен жасөспірімдердің арасындағы құқық бұзушылықтардың алдын-алу, кәмелетке толмаған балалардың қылмыстық іске бармауына үлкен тосқауыл болатындығын естен шығармайық.
Шу ауданы, Төле би ауылы. М. Мақатаев атындағы шағын орталықты тірек орта мектебінде (РО) құрылған бастауыш кезекші сыныптардың санитарлық нормаға сәйкес оқу-тәрбие үрдісінің барысы
0
19 – тамыз 2020 күні сағат 15.00де Мұқағали Мақатаев атындағы шағын орталықты тірек орта мектебінің (РО) ұжымымен «2020-2021 оқу жылында оқу процесін ұйымдастыру» тақырыбында онлайн режимде ZOOM форматында педкеңес өткізілді. Педкеңеске қатысу үшін мектеп мұғалімдеріне алдын – ала сілтемелер жіберілді. Педкеңесті мектеп директоры А. Сихимова өткізді. Педкеңестің негізгі мақсаты коронавирустық инфекцияның таралуына жол бермеуге байланысты карантиндік шаралар жағдайында жаңа 2020-2021 оқу жылындағы оқыту ерекшеліктерімен педагогтарды хабардар ету. Мектеп директоры А.Сихимова күн тәртібіндегі мәселелерге жеке тоқталып, биылғы оқу жылының оқу форматына, 1 – 4 сыныптардың жұмыс режиміне және жұмыс қағидаларына, қашықтан өткізетін сабақты әзірлеу алгоритміне, педагог имиджі мен жаңа оқу жылындағы білім алушыларды бағалау ерекшеліктеріне баса назар аударды.