Мұқағали Мақатаев атындағы тірек орта мектебінде (РО) 2023 жылдың 31 наурыз күні Шу ауданы білім бөлімінің жылдық жоспарына сай "Тарих және география пәндерін оқыту ерекшеліктері мен білім сапасын арттыру жолдары" тақырыбында тарих және география пәндері мұғалімдерінің аудандық семинары өтті. Семинардың мақсаты: тарих және география пәндерін оқытуда білім сапасын арттыруға мүмкіндік беретін тиімді әдіс-тәсілдерді пайдалану. Семинар барысында ашық сабақтар, шебер сыныптар, коучинг көрсетіліп, ұстаздар өз іс-тәжірбиелерімен бөлісті.

Мұқағали Мақатаев атындағы тірек орта мектебі Мемлекеттік Тудың авторы Ш.Нязбековтың 85 жылдығына орай 2023 жылдың 27-ші наурыз күні 5-10 сыныптар арасында бірыңғай сынып сағаттары өткізілді.
Мақсаты: Оқушылардың рәміздердің пайда болуы және оның тарихтағы орны жайлы білімдерін тереңдету, Отан сүйгіштікке, адамгершілікке, елжандылыққа, еңбекке, Отанына, халқына адал қызмет етуге, елінің Туын, Елтаңбасын, Әнұранын қастерлеп, құрметтеуге, тарихын білуге тәрбиелеу.

Наурыз айының 24 жұлдызында Мұқағали Мақатаев атындағы тірек орта мектебінде (РО) бастауыш кәсіподақ ұйымының кезекті отырысы болып өтті. Күн тәртібінде бірнеше мәселе қаралды. Ұйым отырысына мектеп мұғалімдері түгел дерлік қатысып, күн тәртібіндегі мәселелерді қарауға атсалысты. Жиынды аудандык кәсіподақ ұйымы басшысының міндетін уақытша атқарушы Қ. Саякеева мен заңгер Е. Тілеужан бастады. Алғашқы сөзді мекеме басшысы А. Сихимова алып, ұжымдық шарт туралты айтып өтті. Аталған мектептің бастауыш кәсіподақ ұйымы төрайымы М. Жаппарованың бесжылдық есеп беруі тыңдалып, төрайымды немесе төрағаны сайлау мәселесі де қаралды. Сайлау нәтижесінде ұжым бірауыздан қолдап, М. Жаппарова қайта сайланды. Отырыс соңы марапаттауға ұласты.

Қазақстан Республикасы Парламентінің Мәжілісі мен маслихаттары депутатарының сайлауы.№ 419 сайлау учаскесіне Төле би ауылының тұрғындары еліміздегі саяси науқанға белсене атсалысып,өз таңдауларын жасап, мектеп бүлдіршіндерінің дайындаған коцертін тыңдап, ұйымдастырылған көрмелерін тамашалады.

Мұқағали Мақатаев атындағы тірек орта мектебі Шу ауданы білім бөлімі Жамбыл облысы әкімдігінің хатына сәйкес, 18 наурыз күні Ұлыстың ұлы күні –наурыз мейрамының қарсаңында «Жүз жылдығын ойлаған халық ағаш егеді» атты ағаш отырғызу акциясы аясында түрлі жеміс ағаштарын отырғызды.

Мұқағали Мақатаев атындағы тірек орта мектебінде «Ұлыстың ұлы күні 22 -Наурыз» мерекесіне арналған іс-шара жоспарына сәйкес 2023 жылдың 16-ші наурыз күні мектеп оқушылары атаулы күнге орай «Қаражорға» атауымен флешмоб ұйымдастырды. Шараға 200 оқушы қатысты. Мәдени-іс-шараның мақсаты – Отанды сүюге, елді құрметтеуге, мемлекеттік рәміздерді қастерлеуге баулу.

16.03.2023 жылы Мұқағали Мақатаев атындағы тірек орта мектебінің (Р.О) бастауыш сынып бірлестігінің ұйымдастыруымен "Салт - дәстүрім – таусылмайтын байлығым" атты сахналық қойылым көрсетті.
Мақсаты: Қазақ халқының салт - дәстүрлері мен әдет-ғұрпының тәрбиелік мәнін ұғындыру, келешек ұрпақтың бойына адамгершілік қасиеттерін қалыптастыру, халық өнегесін көрсетіп, дәріптеу. Наурыз мерекесіне орай салт-дәстүрімізді бала туылғаннан бастап, қырқынан шығарып, бесікке салып, шілде суына шомылдырып, тұсауын кесіп, жеткіншек шағын көрсетіп, ұзатуға дейін барлық салт-дәстүрлер көрсетілді.
Соңында мектеп директоры А.Сихимова құттықтау сөз сөйлеп, тілегін білдірді.
Келген көрермендердің барлығы керемет көңіл-күймен тарқасты.

Қазақ халқы тойды да,мейрамды да салт дәстүрмен қарсы алған. Наурыз мейрамына орай 2023 жылдың 15-наурызында Мұқағали Мақатаев атындағы тірек орта мектебінде де ұлыстың ұлы күніне байланыстыіс шаралар өтті.Қазақ халқының ұлттық ойындары«Арқан тартыс», «Асық ату», «Тоғызқұмалақ», «Ләңгі» ойындары ойналып , оқушылардың ептіліктері, өжеттіліктіліктері,шапшаңдықтықары, тапқырлықтары шыңдалды. Оқушылар барлық ойындарға атсалыса қатысты