Мұқағали Мақатаев атындағы тірек орта мектебінде (РО) 1 Наурыз "Алғыс айту" күніне орай Жасұландықтар ұстаздарды құттықтап, алғыстарын білдірді. Мектеп алаңына 9-10 сыныптар флэшмоб ұйымдастырып, керемет көңіл күй сыйлады.

М.Мақатаев атындағы тірек орта мектебінің (РО) қазақ тілі мен әдебиет пәнінің мұғалімі Б.Құсаинова бүгін сабақта 5 "В" сыныбымен, "Артық болмас білгенің" айдарында зейінді шоғырландыру мақсатында оқушылармен психологиялық жаттығу жасаумен бастады. Сынып 3 топқа бөлінді. Алдымен топтар ұжым болып, азаматтық қорғаныс туралы мәліметтер алды. «Ой толғам » айдарында әр топ от, су, газ, көше, ток сөздері бойынша өз ойларын жеткізді. «Апатты жағдайлар» тақырыбында бейнебаян көрді. Апатты жағдайлардан қалай сақтану шарасын және алғашқы жәрдем туралы түсінік алып, өз ойларымен бөлісті. "Кім жүйрік" өлең шығару жарысында әр топтан бір шумақ өлең шығарып, топ басшылары оқып берді.Оқушыларға көктемнің алғашқы айында келе жатқан "Азаматтық қорғаныс" күні туралы мәлімет өз мақсатына жетті деген ойдамыз.