2022 жылдың 28 сәуір күні М.Мақатаев атындағы шағын орталықты Тірек орта мектебі (РО) базасында «Ағылшын тілі сабақтарында критериалды бағалау жүйесін қолданудың тиімді жолдары» тақырыбындағы аудандық семинар-практикум өтті.
Мақсаты: Оқу үдерісінде критериалды бағалаудың тиімділігімен танысады. Міндеттері: білім жүйесінде критериалды бағалаудың алатын орнын, тиімділігін жеткізу; бағалаудың білім сапасына тигізетін әсері. Күтілетін нәтиже: мұғалімдердің педагогикалық шеберліктері артады; мұғалімдер оқу үдерісінде критериалды бағалаудың тиімділігімен танысады; өз-ара тәжирибе бөлісу дағдысын меңгереді. М.Мақатаев атындағы шағын орталықты Тірек орта мектебінің психологы Қ. Тулеулиева және мұғалімдері Л.Қыздарбекова, Б. Ақылбекова, Ж.Уразова, Е. Аденова, А.Басыбек, Ф.Мамбетбаева, Ш.Сырымбетова аудандық семинар-практикумға белсене қатысып, тәжірибесімен бөлісті. Семинарға Шу ауданының білім бөлімінің әдіскері А.Ногаева және М.Мақатаев атындағы шағын орталықты Тірек орта мектебі (РО) директоры А.Сихимова және директорының ғылыми-әдістемелік ісі жөніндегі орынбасары А.Пазылбекова мен аудандық мектептерден 40 ағылшын тілі пәнінің мұғалімдері қатысып өзара тәжірибе алмасты.

2022 жылдың 29 сәуір күні Мұқағали Мақатаев атындағы тірек орта мектебінде (РО) 5-6 сыныптардың ұйымдасуымен 1 – Мамыр халықтар достығы күніне арналған «Бейбітшілік – ел тілегі» атты іс-шара өтілді. Мақсаты: ел ішіндегі түрлі ұлт пен дін өкілдерінің бір-біріне деген сый-құрметін арттырып, татулықты, бірлікті, ортақ құндылықтарды насихаттау.
Іс-шара басы өзіміздің ұлттық қазақ биімен ашылып, "Адай” күйімен жалғасын тапты. 5 сынып оқушысы "Отан” әнің шашу етіп, көрермендердің шапалағына бөленді. Көрікті бишілеріміз қырғыз, өзбек, орыс, үнді, латын америкалық билерді бұрала биледі. Іс-шара соңында әр ұлт өкілдері бір шанырақ астында "Жаса Қазақстан” әнің шырқады.
Мектеп директорының орынбасары Баян Ниятуллақызына сөз берілді. Оқушылар өте белсенді ат салысты. Көрермендер керемет әсер алды.

Шу ауданы білім бөлімінің, М.Мақатаев атындағы тірек орта мектебінде 1 сәуір мен 30 сәуір аралығында өткізілетін «Жаратылыстану пәндерінің айлығы» барысында фоеде жаратылыстану пәндері бойынша «Тамаша дәліз» ұйымдастырылды. Дәлізге гүлдер, аквариум балықтары және тірі кесірткелер, ұлу, тордағы үй қояны және кептерлер сияқты құстар мен жануарлар қойылды. Олардың әрқайсысына пән мұғалімдері мәлімет беріп, ерекшеліктерін түсіндіріп отырды. Оқушылар кітаптан оқыған жан-жануарларды өз көздерімен көріп ерекше әсерге бөленді. «Мектебіңе гүл сыйла» акциясы аясында жаратылыстану пән мұғалімдері мектебімізге тамаша бөлме гүлдерін сыйға тартты.

М.Мақатаев атындағы тірек орта мектебі (РО) үйірме жетекшілері Мырзалиева Насима мен Кайбагарова Нұрзаданың ұйымдастыруымен 2022 жылдың 20 сәуірінде 9 сыныптар арасында креативті ойлайтын, интеллектісі жоғары, өзіне сенімді, топпен жұмыс істей отырып өзара ынтымақтастықты орната алатын жастарды дамыту және оларды жетістікке жетелеу мақсатында "Білім Ринг" зияткерлік сайысы өткізілді. Сайыс мектеп басшылары мен ұстаздардың және оқушылардың қатысуымен өтті. Нәтижесінде сайысқа қатысқан командалар мақтау қағазымен марапатталып, ынталандыру сыйлықтары берілді.