0
М.Мақатаев атындағы тірек орта мектебінде (РО)«ДосболLIKE» достық қолын ұсын» акциясында, " Достығымыз жарасқан бейбіт елміз " тақырыбында тренинг өткізілді. Мақсаты: Оқушыларға бірлік, достық, ынтымақ туралы ұғымдарды түсіндіру. Барысы: Тренинг сәлемдесу жаттығуымен басталды. Оқушылар екі топқа бөлініп "Достық тақырыбында"постер қорғады. "Біз достықты сүйеміз" тақырыбында тренингпен жалғастырылды. Қорытынды: оқушыларға достықтың адам өміріндегі маңызы, орны туралы және достықтың шынайы белгісі туралы түсінік қалыптасты.
0
Мұқағали Мақатаев атындағы тірек орта мектебінде (РО) кәсіптік бағдар беру педагог Асаиынова Жұлдыздың ұйымдастыруымен мектеп түлектерімен кездесу өтті. Мақсаты: Болашақ мамандығын таңдауға жүйелі көзқарас қалыптастыру, кәсіби мамандыққа деген қызығушылықтарын арттыру. Қатысқандар: мектеп әкімшілігі, сынып жетекшілер, 10,11сынып оқушылары. Мектеп директоры Алтынкүл Мәдиомарқызы құттықтау сөзімен ашты. Мектебіміздің психологы Тулеулиева Куралай «Оркестр» атты тренинг өтізіп ұстаздарға, оқушыларға тамаша көңіл күй сыйлады. Оқушыларды жоғары оқу орындарында белгілі бір мамандықта білім алып жатқан түлектерімізбен кездестіре отырып , пікір алысып, саналы да , тиянақты білім алуға бағыт берді. Кездесу барысында, әр түлек ой -пікір алмасып,10-11 сынып оқушыларына алдағы уақытта дұрыс шешім қабылдауға , өздері қалаған мамандық саласына таңдау жасауына бағыт берді. Мектеп түлектерімізбен бас қосқан кездесуден оқушылар адам өмірінде мамандық таңдаудың маңызы ерекше зор екендігін түсінді.
0
Шу ауданы білім бөлімінің Мұқағали Мақатаев атындағы тірек орта(Ро)мектебінің 11 сынып оқушылары Шерхан Мұртаза атындағы халықаралық Тараз инновациялық институтының вице-президенті Сарыбеков махметғали Нұрғалиұлы студент түлектерімен кездесуге қатысты. Оқу орнында агро-ауылшаруашылық (жылыжай кешені және ,ветеринария-асыл тұқымды мал өсіру шаруашылығы) материалдық факультеттер бар екенін мектеп түлектеріне мамандық таңдауда кәсіби бағдар бойынша,сұрақ-жауаптармен бөлісті. Кездесу барысында облыс мемлекет тарапынан болашақ жастарға көрсетіліп жатқан қолдау мен мемлекеттік бағдарламалар туралы толық түсіндірді.
0
Қаңтар айында «Дос болайық бәріміз» атты трениг өткізілді. 6-7 сыныптың оқушылары белсене қатысты.
Мақсаты: Сыныпта достық қарым-қатынас орнату
Тренингті сәлемдесу жаттығуымен бастадым «Өз есіміңді ерекше ата» (өз есімдеріне сын есім жалғап айту). Келесі жаттығу «Ормандағы ағаштар» ойыны. Мақсаты: Балаларға қозғалуға, демалуға мүмкіндік беру. Оқушылар жатығуды белсенді орындады. Сонымен қатар, «Көңіл-күй неге ұқсас?», «Соқыр паровоз» жаттығуларды орындады. Оқушылардың көңіл күйлері көтеріліп, бойларына сенімділік пайда болды, өздерін сенімді, сергек, тап-таза сезініп қалды.Тренингті бір-біріне тілек айтып аяқтадық.
0
М.Мақатаев атындағы тірек орта мектебінде (РО)«ДосболLIKE» достық қолын ұсын» акциясың салтанатты жиының ашылуы. Дос табу оңай, ал оны сақтау қиын. Сенім мен жарқын көңіл – достықты берік ететін тірек саналады. Өзі шынайы дос бола білген адамның достары да көп болады және жер бетінде өзін жалғыз сезінбейді. Күнделікті өмірде көңіліңе шапағат сәулесін шашып, сенің төрт құбылаңды тең ететін айналаңдағы достарың басы бұзылмағаны қандай жақсы Акцияның мақсаты: Мектеп ортасында жасампаз ұжымдық шығармашылық негізінде позитивті қатынастарды қалыптастыру үшін жағдай жасау.«ДосболLIKE достық қолын ұсын» акциясы шеңберінде оқушылардың жағымды қарым-қатынастары мен эмоционалдықәл-ауқатын дамыту мақсатында17.01.2024 ж-17.02.2024ж аралығында «ДосболLIKE достық қолын ұсын» акциясы өткізілуде.
0
Мақала «Мұғалім әрдайым ізденісте болса ғана, шәкірт жанына нұр құя алады» А.Байтұрсынов Мұқағали Мақатаев атындағы тірек орта мектебінде (РО) қаңтар айының 19 жұлдызында «Қалыптастырушы тапсырмаларды дұрыс әзірлеу арқылы білімдегі олқылықтарды жою» тақырыбында аудандық семинар өтті. Семинардың мақсаты:Қалыптастырушы тапсырмаларды дұрыс әзірлеу арқылы, білімдегі олқылықтарды жоюдың жолдарын қарастыру. Міндеттері: Жаратылыстану пәндері бойынша білімдегі олқылықтарды анықтау; Өткен тақырыптар бойынша олқылықтардың орнын толтыру жұмыстарын жандандыр; Тиімді әдіс-тәсілдерді қолдана отырып, олқылықтарды жоюды қарастыру. Күтілетін нәтиже: Оқушыларға ақпаратты визуалды түрде беру арқылы есте сақтау қабілеттері артады; Білімдегі олқылықтарды анықтау барысында оқушының білім деңгейі артады; Өткен тақырыптарды қайталау арқылы білімдері толығады; Жаратылыстану пәндерінен әртүрлі әдіс-тәсілдер қолдануда оқушының қызығушылығы артады; Семинарды мектеп директоры Алтынкүл Мәдиомарқызы құттықтау сөзімен ашты. Жаратылыстану пәндерінің аудандық білім бөлімінің әдіскері Сержанкүл Әметқызы салтанатты түрде әріптес ұстаздарға сәттілік тіледі. Мектебіміздің психологы Тулеулиева Куралай «Тамаша көңіл күй» атты тренинг өтізіп ұстаздарға тамаша көңіл күй сыйлады.Келесі кезекте бағдарламаның жоспарына сай физика пәнінің мұғалімі жас маман Сайлаубаев Бекнар Әділетұлы «Қалыптастырушы тапсырмаларды әзірлеу» тақырыбындағы коучинде, семинарға қатысушы ұстаздарға біраз сауалдар қоя отырып, ой толғаныс,сауалдарға жауап алып әріптестерінің ойын ұсынысын қорытып рефлексия беріп,кері байланыс жүргізді. Физика пәнінің мұғалімі Акипов Исабали Уматович «Сборка электрической цели и измерение силы тока и наприжения» тақырыбында зертханалық жұмыс, биология пәнінің мұғалімі Медеубаева Айгерім Жуасбекқызының «Тірек – қимыл жүйесінің маңызы мен қызметі», химия пәнінің мұғалімі Кашаганова Риза Маратбекқызының «Химиялық элементтердің табиғи ұяластары және олардың қасиеттері», физика пәнінің мұғалімі Окаева Қарлығаш Қуанышбекқызының «Қатты денелердегі қысым»,биология пәнінің мұғалімі Берзимбетова Рахат Мактабековнаның «Митоз и его фазы», информатика пәнінің мұғалімі Айтбаев Жандос Сатыбалдыұлының «Мобильді қосымша жасау» тақырыбындағы ашық сабақтары жоғарғы деңгейде өтті. Семинар қорытындысында кері байланыс жүргізіліп, сабақ көрсетіп іс-тәжірибесімен бөліскен әріптестерге аудандық білім бөлімінің әдіскері С.Әметқызы сертификаттар тапсырып, ұйымдастырушы директордың ғылыми әдістемелік ісі жөніндегі орынбасары А.Пазылбекова мен психолог Қ.Тилеулиева алғыс хат табыс етті. Семинар соңында концерттік бағдарлама көрсетілді.
0
Мұқағали Мақатаев атындағы тірек орта мектебінде (РО), азаматтық қорғаныс штаб бөлімінің ұйымдастыруымен, 2024 жылдың 23 қаңтар күні «Жер сілкінісі кезіндегі оқушылар, мұғалімдер және қызметкерлердің іс- әрекеті, оларды эвакуациялау» тақырыбында жаттығу өткізілді. Жаттығуға барлығы 445 адам жұмылдырылды. Негізгі жүргізілген іс- шаралар: - дабыл берілген уақыттан кейінгі оқушылардың қауіпсіз аймаққа уақытында шығарылуын штаб құрамы бақылап, сапқа тұрғызды; - сыныптар толық сапқа тұрғызылып, азаматтық штаб мүшелерінің бақылау нәтижесі негізінде, жер сілкінісі кезіндегі оқушылар мен мұғалімдердің іс-әректінің қорытындысы баяндалды. - сапта «Жер сілкінісі кезіндегі оқушылардың, мұғалімдердің қорғану іс- әрекеті» тақырыбында көрнекі түрде жаттығу көрсетілді. Сейсможаттығуға дейін: - Байланыс және хабардар ету жүйесінің дайындығы тексерілді; - Оқушылар арасында оқу-жаттығу өткізілетіні туралы және оны өткізу барысында қандай іс-әрекеттер жасайтыны жөнінде толық көлемде түсіндірме жұмыстары жүргізілді; - Әр сыныпта алдын ала «Жер сілкінісі қаупі орын алған жағдайдағы әрекеттер» тақырыбында сынып сабақтар өткізілді.
