«АЛТЫН БЕЛГІ» МАРПАТТАЛДЫ
Ағымдағы жылдың 21 маусым күні Шу ауданының әкімі Бақытжан Оразалыұлы Жәнібеков аудан әкімдігінің мәжіліс залында «Алтын белгі» иегерлерін салтанатты түрде қабылдады.
Марапаттау жиынына аудан мектептерінің біліктіліктері мен білімдерін дәлелдей білген Мұқағали Мақатаев атындағы тірек орта мектебінің мектеп бітіруші түлекгі 135 балл иегері Саулебаев Қайсар, ата-ана Мырзабекова Орал, мектеп директоры Сихимова Алтынкул Мадиомарқызы және сынып жетекшісі Кумарбаева Салтанат Умиталиевна қатысты.
Шара барысында аудан әкімі Бақытжан Оразалыұлы әр түлекпен жеке – жеке танысып, оқушылардың бұл жетістігі білімді де өнегелі ұрпақ тәрбиелеу жолындағы аудан мектептерінің педагогикалық ұжымның еңбегінің арқасы екендігін айтты.
Марапат иелеріне үлкен өмірде биік белестерді бағындыру жолында сәттілік тіледі.
Бойына отансүйгіштік қасиет дарыған, білімді, ой-өрісі кең азамат болып қалыптасуларына, күш-жігерлерін еліміздің берекесі мен байлығын арттыруға жұмылуға, өмірден өз орындарын табуға тілектестігін білдірді.
Айта кету керек, биылғы оқу жылында 32 оқушы «Алтын белгі» иегері атанып, оның ішінде мектебіміздің түлегі Саулебаев Қайсардың сол қатардан көрінгеніне біз мектеп әкімшілігі өте қуаныштымыз.

Өрт тілсіз жау. Өртті болдырмау, өрт шыққанын білгенде не істеу керектігін, не істеуге болмайтынын, зардап шегушіге қандай алғашқы көмек көрсету керектігің, өрт болған жағдайда қайда хабарласу керектігін білу мақсатында баршаның білуі тиіс деп білетін жайттармен хабардар ету.
Өрт шыққанын білгенде…
1. Өрттің ауқымы кішкентай болса, крандағы сумен, болмаса қалың дымқыл матамен өшіруге тырысыңыз;
2. Өрт ауқымды болса, 101 нөміріне хабарласып, өрт шыққан мекен-жайды, ненің қалай жанып жатқанын айтыңыз. Өзіңіздің атыңыз бен нөміріңізді де беріңіз. Ол өрт сөндірушілерді күтіп алып, өрт ошағына жедел апаруға керек. «Менен де басқалар хабарласқан шығар» деп отыруға болмайды;
3. Ғимараттағы барлық тоқ көздерін ажыратып, газ құбырларын жабыңыз;
4. Егер өрт көп қаббатты ғимараттың төменгі қабатында шықса, ғимараттың жоғарғы қабатына немесе төбесіне шығып, көмек күту керек;
5. Далаға шығу жолдарында от болмаса, тез арада ғимаратты тастап шығыңыз;
6. Өрт шыққан аумақтан өту үшін синтетикалық киімдерді шешіп, орнына жүн немесе мақтадан тігілген киім кию керек. Киімдерді сулап, басыңызға ішік, жейде, орамал сынды қалың дымқыл жамылғы жабыңыз. Дәл осылай мұрныңыз бен ауызыңызды да жабу керек. Ол түтіннен уланып қалудың алдын алады;
7. Есіктерді қатты жабыңыз. Себебі от оттегі келіп, жел соққан сайын өрши түседі;
8. Түтіннің арасынан еңкейіп, тізерлеп немесе бүк түсіп өту керек;
9. Пәтерден шықпас бұрын есіктің ар жағында оттың бар-жоғын тексеріңіз. Ол үшін есікке жақын барып, оның тұтқасы сияқты металды жерлерін ұстап көріңіз. Ол ыстық болса, есікті ашпаңыз. Керісінше, есіктің саңылауларын дымқыл матамен бітеп тастаңыз. Есіктің бер жағына су шашыңыз;
10. Ауыз-мұрныңызды дымқыл матамен жауып, пәтердегі барлық адамдарды балконға алып шығыңыз. Балкон болмаған жағдайда, терезені ашып, сырттағыларға белгі беріңіз. Олардың сізді естігеніне сенімді болсаңыз, барлық адамдарды алып, жуыну бөлмесіне кіріп, есігін ішінен мықтап жабыңыз. Ол жерде суды ағызып, үстілеріңіздегі барлық киімді сулау керек. Сол жерде көмек күтіңіз;
11. Өрт шатырда немесе жертөледе шықса, өрт сөндірушілерді шақырып, олар келгенше өрт шыққан аумаққа апаратын есік-терезелерді, люктарды жауып тастау керек;
12. Өрт шыққан үйден адамдарды эвакуациялау кезінде балалардың төсектің астына, сөрелер мен қуыстарға тығылып қалатынын естен шығармаңыз.
Не істеуге болмайды?
1. Киіміңізге от тигенде жүгірмеңіз. Ол оттың одан сайын өршуіне әкеледі. Одан да киімді шешуге тырысу керек, болмаса еденге жатып аунау керек. Егер жаныңыздағы адамның киімі жанып жатса, оны өшіру үшін үстіне дымқыл мата жабыңыз;
2. Терезелерді ашып, түтінді шығаруға болмайды. Таза ауа отты өршітеді;
3. Лифтті қолданбаңыз. Өрт кезінде электр тоқтары өшірілетін болғандықтан, лифт кез келген жерде тоқтап қалуы мүмкін;
4. Қорқынышқа бой алдырып, жоғарғы қабаттан секіруге болмайды.
Зардап шеккендерге алғашқы көмек
1. 103 нөміріне хабарласып, жедел жәрдем шақырыңыз;
2. Күйік алған адамдардың үстіндегі киімін шешуге болмайды. Күйген жеріндегі киімін қиып, теріге жабысқан күйі қалдыру керек. Күйікті спирттелген немесе марганец ерітіндісіне батырылғын матамен жабады;
3. Өте үлкен күйікке шалдыққан адамды үлкен матаға немесе төсек жаймасына орап, ыстық сусын беріп, жылылау керек;
4. Түтінге уланған адамды таза ауаға алып шығу қажет.
Өрттің алдын алу үшін:
1. Үйде темекі шекпеңіз. Толық сөндірілгеніне көзіңіз жетпей терезеден лақтырмаңыз;
2. Тамақ істеп жатқанда газ плитасын қараусыз қалдырмаңыз;
3. Электр тогы мен газ құбырларын үнемі тексеріңіз. Қандай да бір ақау барын байқасыңыз, бірден арнайы мамандарға хабарласыңыз;
4. Өртке арналған сатылар мен төтенше жағдайда шығатын есіктерді жаппаңыз;
5. Өрт сөндіргішті қолданып үйреніңіз және оны отбасыңыздың мүшелеріне де көрсетңіз. Себебі, өрт шыққанда оның нұсқаулығын оқып тұруға уақытыңыз болмайды;
6. От жағуға арналған сіріңке, оттықтарды балалардың қолы жетпейтін жерге қойыңыз;
7. Балаларыңызға Төтенше жағдайлар жөніндегі қызметтің нөмірлерін жаттатыңыз:
• Өрт сөндірушілер — 101
• Полиция — 102
• Жедел жәрдем — 103
• Газ апатынан құтақру қызметі — 104
• Құтқару қызметі — 109

Мектебімізде Ахмет Байтұрсыновтың 151 жылдығына орай "Қазақтың болашағы қазақ тілінде» атты танымдық сағаты өтті. Мақсаты: ақын өмірін оқушыларға үлгі ете отырып, өз елін сүюге, оның көркеюіне үлес қосуға тәрбиелеу, оқушылардың танымдық деңгейін дамыту. Танымдық сағат ақынның «Қасқыр мен лақ» шығармасынан көрініс қоюмен басталды. 9 «А» сынып оқушылары ақынның туылған жері туралы, білім алған және жұмыс жасаған жері мен еңбектері туралы, сонымен қатар ақынның жазған өлеңдерін нақышына келтіріп оқып шықты. Жансары Арайлым мен Қонысбай Жанель «Балбырауын» күйін тамаша орындап шықты.

Мұқағали Мақатаев атындағы тірек орта мектебінің 5 сыныбының сынып жетекшісі Ә.Ұлжан өзінің сыныбын қаладағы мәдени ескерткіштермен танысу мақсатында экскурсияға апарды. Атап айтқанда 5 сынып оқушылары Сәду Шәкіров ескерткіші, "Жеңіс” паркінде орналасқан Саттар Естемесов сынды ескерткіштермен танысып, тарихын біліп қайтты.

Мұқағали Мақатаев атындағы тірек орта мектебінде (РО) тарих пәні мұғалімі З.Кокееваның ұйымдастыруымен 8 сынып оқушылары аудандық мұражайға барып қайтты. Мақсаты: Оқушыларға мұражайдың таусылмас қазына екенін ұғындырып, өткен өмір тарихын, ескі тарихын, ескі табиғи заттардың қадір-қасиетін, өткен мен болашақты жалғастырушысы екенін түсіндіру.

Мұқағали Мақатаев атындағы тірек орта мектебінің жоғары сынып білім алушылары тарихы терең Түркістан өңіріне барып, тарихи-мәдени экскурсия жасады. Білім алушыларымыз Көне Отырар жеріндегі сәулет өнері ескерткіші -Арыстан баб кесенесі, түркі әлемінің рухани орталығына айналған Қожа Ахмет Ясауи кесенесі, Қазақстандық Венеция атанған Керуен сарайы, Тараз қаласындағы Тектұрмас тарихи-этно мәдени кешені, Тектұрмас күмбезі, Қарахан, Айша бибі кесенелеріне барып, тарихи ескерткіштермен , көптеген танымдық ақпараттар мен көне жәдігерлермен танысты.

Биыл Қазақстан Республикасының Мемлекеттік рәміздеріне 31 жыл толып отыр. Бұл бүкіл халықтың, тұтас еліміздің беделді серекесі екені анық. Барша Отандастарымызды Мемлекеттік Рәміздер күнімен құттықтай отыра мектебіміздің Жас Ұландықтарымен "Мемлекеттік рәміздер- ұлттық мақтаныш" тақырыбында дөңгелек үстел өтті.
Мақсаты: оқушыларды адамгершілікке, патриоттыққа тәрбиелеу, еліміз үшін көк байрағымыздың, Елтаңбамыз бен Әнұранымыздыңмән маңызы айрықша екендігін ұғындыру

Жамбыл облысы әкімдігінің білім басқармасы Шу ауданың білім бөлімінің Мұқағали Мақатаев атындағы тірек орта мектебінің (РО) ұжымы
ҚР Рәміздерін насихаттау бойынша 2023 жылға арналған іс-шара жоспарына сәйкес Рәміздерді білу міндетіміз" тақырыбында мұғалімлер арасында гимнді айтып шығу ұйымдастырылып өткізілді. Мұғалімдер рәміздерді мақтан тұта отырып, ҚР мемлекеттік гимнді нақышына келтіріп орындап шықты.
Мақсаты: рәміздерді құрметтеу, мақтан тұту, рәміздер туралы толық түсінік беру.Қазақстан көк байрағын құрмет етуге тәрбиелеу. Және барша Қазақстандықтардың өз алдына бейбіт ел екенін мақтан тұтуға өз үлестерін қосу.

М.Мақатаев атындағы тірек орта мектебінде (РО) сессияаралық кезеңде директордың эксперимент ісі жөніндегі орынбасары Джексенбаева Баян Ниятуллақызының бастамасымен танымдық сағаттар өткізілді. 2023 жылдың 23 мамырында Жайсан ауылы Жайсан орта мектебінің 8-9 сыныптар арасында және 26 мамыр Алға ауылы Алға орта мектебінің 8-9 сыныптар арасында тірек мектебінің «Қазақ хандығының қалыптасуындағы қазақ хандарының рөлі» атты үйірменің жетекшісі Асенова Қазына Темірханқызы «Ұлы дала елінің бахадүрі - Сұлтан Бейбарыс 800 жыл» тақырыбында 5ылыми жоба ретіндегі дөңгелек үстел ұйымдастырылып өткізілді. Бұл дөңгелек үстелдің мақсаты оқушыларға айбынды қолбасшы, дана саясатшы, өз ұлтының адал перзенті, бөтен жерде жүрсе де өгей ұлдай болмаған Бейбарыстың өмір жолы туралы араб тіліндегі бұрын қазақ оқырманына белгісіз болып келген деректерді жеткізу болды. Ата-бабаларымыздың мұрасын білу, біліп қана қоймай оны зерттеп, оған ие болу, қастерлеу бүгінгі ұрпақтың қасиетті парызы екені даусыз. Бауыржан Момышұлының сөзімен айтсақ, «Бұрынғы дәстүрді, бұрынғы жасаған ерліктерді білмей, қадірлемей тұрып, жаңа ерліктерге шақыру бекершілік» деген екен. Аталған екі мектептің де оқушылары жоғары қызығушылықпен дөңгелек үстелге ат салысты, өз ойларын жеткізе біледі, білім атты қоржындарына тағы бір батыр туралы мағлұматтарды жинап қайтты. Дөңгелек үстел соңында кері байланыс жасап дөңгелек үстелден алған әсерлерін шығарма түрінде жазып өткізді. Келесі оқу жылында осы тақырып жалғасын табады.

Мұқағали Мақатаев атындағы тірек орта мектебінің 2022-2023 оқу жылындағы «Болашаққа бастар жол!» атты соңғы қоңырау салтанатты жиын өтті. Сіздерді соңғы қоңырау мерекесімен шын жүректен құттықтаймыз! Осыдан 11 жыл бұрын тарыдай болып мектеп табалдырығын аттаған балалар бүгін таудай болып үлкен өмірге қадам басып отыр.Әр мектепте соңғы қоңырау мерекесі-бұл мектеп тарихына енетін көңілді әрі қуанышты оқиға. Түлектер өзінің 11 жыл білім алған алтын ұяларымен қоштасса, ұзтаздар өздерінің сүйікті шәкірттерін өмірге қанаттандырды. Барша жас түлектерді алда үлкен сын күтіп тұр. Барлықтарыңызға Ұлттық Бірыңғай тестілеуден абыроймен өтіп,Қазақстанымыздың білікті маманы атануларына тілектеспіз. Ал мектептегі алғашқы жылдарын сәтті аяқтап, бірінші сыныптан екінші сыныпқа аяқ басқан жас бүлдіршіндер мен барлық мектеп оқушыларына жазғы демалыстарын жақсы өткізіп, күш жинап,жайдары көңіл күймен жаңа оқу жылына оралуларыңызға тілектеспіз!