Qazannyń 9 kúni 8 «D» synybyndaǵy M.Maqataev atyndaǵy tirek orta mektebi men Eńbekshi orta mektebiniń oqýshylarymen qazaq tili men ádebıeti pániniń muǵalimi, synyp jetekshisi Kadrbekova Jadyra Baýyrjanovna «Senbe jurtqa, tursa da qansha maqtap» degen taqyrypta tanymdyq tárbıe saǵatyn ótkizdi.
Tanymdyq saǵattyń maqsaty men mindeti:
Maqsaty: Uly aqynnyń danalyǵyn, rýhanı asyl-muralaryn nasıhattap, óleńderin, ánderin mánerlep aıtqyzý.
Mindeti: Kórkem sóıleýge, shyǵarmashylyqpen jumys isteýge úıretý.
Sabaq qurylymy Abaı óleńderin estafeta túrinde mánerlep jatqa oqýmen jalǵasty jáne jaqsy men jaman qasıetter týraly oı qozǵaýǵa, beıne rolıkti tamashalaı otyryp kúndelikti ómirde oryn alyp jatqan túrli jaǵdaılar jóninde oı órbitý túrinde ótkizildi. Bıyl 30 mamyrda «Abaı Qunanbaıulynyń 175 jyldyq mereıtoıyn merekeleý týraly» QR prezıdenti Qasym-Jomart Toqaevtyń Jarlyǵy bekitildi. Buǵan qosa, búgingi kúni áleýmettik jelilerde sátti iske asyrylǵan «Abai-175» chellenji jahandyq formatta jalǵasyn tapty. Osy estafetany biz Bilim jáne ǵylym mınıstri Ashat Aımaǵambetovten «Senbe jurtqa, tursa da qansha maqtap»atty óleńin mánerlep oqý estafetasyn 8 «D» synyby qabyldadyq. Osy estafeta ary qaraı kórermenderge usynyldy.
Oqýshylar óz oılaryn ortaǵa salyp, ómirden mysaldar keltirip, biraz maǵlumattar jaıynda sóz qozǵady.
Kórermen qaýymǵa aqynnyń ómiri men shyǵarmashylyǵyna baılanysty birneshe suraqtar qoıylyp, ózindik oı sanalaryn jetkize bildi.Oqýshylar boılaryna rýhanı azyq jınap, adamgershiliktiń eń asyl qasıetterin uǵynyp, jaǵymdy minez-qulyq qaǵıdalaryn boılaryna sińirdi.
Tanymdyq-tárbıe saǵatynyń ótkizilýi týraly qorytyndy sóz oqýshylar men ustazdarǵa jáne de oqý isi jónindegi orynbasary Baıan Nıatýllaqyzyna berildi. «Abaı - álem moıyndaǵan dana ustaz, aqyn jáne adamzattyń danyshpany. Danyshpan Abaıdyń ulylyǵy men ereksheligi, tabandylyq pen maqsattylyqty dáripteı jáne onyń óz ultynyń sanasyna engize otyryp, ulttyq rýhty buryn-sońdy bolmaǵan bıiktikke kótere aldy. Biz Abaıdyń boıynan tabylatyn tulǵaǵa laıyqty, maqtan tutatyn rýhanı tiregimizdiń baryna alǵys aıtýymyz kerek», - dedi Baıan Nıatýllaqyzy.
