0 30-qyrkúıek pen 11-qazan kúnderi aralyǵynda M.Maqataev atyndaǵy shaǵyn ortalyqty tirek orta mektebinde magnıttik mektepterdiń 8-9-synyptarynyń 10kúndik sesıa kezeńi ótti.Osy aralyqta mektebimizde túrli taǵylymy mol is-sharalar júrgizildi.Sesıa kezeńiniń birinshi kúninen-aq Abaı atamyzdyń danalyq taǵylymdary negizge alyna otyryp,túrli tanymdyq tárbıe saǵattary júrgizildi.Maqsaty: álem moıyndaǵan Dana Abaıdyń 175 jyldyq mereıtoıyna tartý retinde aqynnyń "Ǵylym tappaı maqtanba" atty óleńindegi "bes asyl istiń" qaǵıdasyn,qasıetin oqýshynyń boıyna darytyp,júregine jylý uıalatý edi.Belgilengen on kún ishinde magnıttik tórt mekteptiń oqýshylary men M.Maqataev mektebiniń oqýshylary ár kúnge "Talap", "Eńbek","Tereń oı","Qanaǵat","Raqym" degen kún attaryn tańdap alyp,ónege saǵattaryn ótkizdi. "Talap" kúnine baılanysty 8 “A” synyp oqýshylary “Aqylymen dana bolǵan uly dala Abaıy” degen taqyrypta tanymdyq sabaq ótkizse, "Eńbek" kúnine 8 “B” synyp oqýshylary “Uly dala qazynasy” atty saıahat sabaq,8 “V” synyp oqýshylary "Abaı lırıkasy" taqyrybynda poezıalyq saǵat ótkizdi.
9 "A" synyp oqýshylary "Tereń oı" kúnine "Ánniń de eseri bar,estisi bar..." atty taqyrypta Abaı ánderinen konserttik baǵdarlama usynsa,
9 "Á" synyby "Raqym" kúnine Sáken,Beıimbet,İlıas aǵalarymyzdyń týǵanyna 125 jyl tolýyna oraı "Úsh Báıterek – úsh dińgek" atty tarıhı saıahat sabaǵyn,9 "V" synyby "Atymdy Abaı qoıǵan soń..." atty taqyrypta ónege sabaǵyn ótkizdi.
Oqýshylar boılaryna rýhanı asyl qazyna jınap,óleńderin,qarasózderin naqyshyna keltire oryndap shyqty."Ólmeıtuǵyn artyna sóz qaldyrǵan"dep tóreligin ózi sheshken Uly tulǵamyz búginde jarqyn beınesimen de,jalyndy jyrlarymen de bizben birge ómir súrip keledi,máńgi ómir súre de bermek.