0 Биыл Кеңес әскерінің Ауған жерінен шығарылғанына 31 жыл толып отыр.Осыған орай ақпан айының 13 жұлдызында М.Мақатаев атындағы тірек орта мектебінде "Ерлік- мәңгі өшпейді" атты тақырыпта жауынгер-интернационалистермен кездесу өтті.Бұл кездесудің мақсаты,өскелең ұрпақтың бойында патриоттық сезім ұялатып,рухани және тарихи құндылықтарды қастерлеуге үйрету.Оқушылардың зұлмат соғыс жайындағы ақпаратты ардагерлердің өз аузынан естуі өзекті еді.Іс-шараға қатысқан қонақтар ерліктері туралы баяндап,жастарды өз Отанын сүюге,жаудан қорғауға,өз елінің патриоты болуға шақырды.10-сынып оқушыларының дайындаған сахналық қойылымы,орындалған патриоттық әндер,батыр ағалардың көзіне жас іркіле отырып айтқан естеліктері көрермен қауымға терең ой тастады.Ауған соғысында опат болған жауынгерлердің рухына тағзым ету,есімдерін қастерлеу-ұрпақ парызы деп тануымыз керек.