16.03.2023 жылы Мұқағали Мақатаев атындағы тірек орта мектебінің (Р.О) бастауыш сынып бірлестігінің ұйымдастыруымен "Салт - дәстүрім – таусылмайтын байлығым" атты сахналық қойылым көрсетті.
Мақсаты: Қазақ халқының салт - дәстүрлері мен әдет-ғұрпының тәрбиелік мәнін ұғындыру, келешек ұрпақтың бойына адамгершілік қасиеттерін қалыптастыру, халық өнегесін көрсетіп, дәріптеу. Наурыз мерекесіне орай салт-дәстүрімізді бала туылғаннан бастап, қырқынан шығарып, бесікке салып, шілде суына шомылдырып, тұсауын кесіп, жеткіншек шағын көрсетіп, ұзатуға дейін барлық салт-дәстүрлер көрсетілді.
Соңында мектеп директоры А.Сихимова құттықтау сөз сөйлеп, тілегін білдірді.
Келген көрермендердің барлығы керемет көңіл-күймен тарқасты.

2023 жылдың 15-наурызында Мұқағали Мақатаев атындағы тірек орта мектебінде «Наурыз – ұлыстың ұлы күні» атты сурет байқауы өтті.Наурызға байланысты оқушылар өз туындыларында табиғатты әсем бейнелеп , бір ғана суретпен көктемнің керемет көріністерін,Наурыз мейрамын жүрекке жеткізе білген. Байқауға қатысқан балалардың еңбектері еленіп ,барлық қатысқан балаларға алғыс жариялап, І,ІІ,ІІІ орындар тағайындалды.І орынды 4«Г» сынып оқушысы Қонысбай Мерей,Асқарбек Айдина 3«В»сынып оқушысы алса, ІІ орынды Қарауылбек Камила 3«Ә» сынып оқушысы, Жақсыбек Нұрай 4«А»сынып оқушысы, Ислам Афизов 4«Е» сынып оқушысы,Доқтырхан Айша 3 «Б» сынып оқушылары және ІІІ орынды Аманжол Айзере 4«Г» сынып оқушысы, Құрманалы Нұрасыл 3«В» сынып оқушысы,Бақытжан Жания 4«Е» сынып оқушысы және Елдарқызы Айкерім 4«А»сынып оқушысы иеленді.

Мұқағали Мақатаев атындағы тірек орта мектебінде «Ұлыстың ұлы күні 22 -Наурыз» мерекесіне арналған іс-шара жоспарына сәйкес 2023 жылдың 15-ші наурыз күні «Жасыл үй» челленджі бойынша «Бір тал кессең, он тал ек» қағидасын мықтап ұстанған халқымыз үшін тал егу — маңызды істердің бірі. Тал – бейбітшілік нышаны, табиғаттың нәзіктілігі және оны қорғау қажеттілігіне байланысты 1 сыныптарының қатысуымен дәстүрлі ағаш отырғызу акциясы өткізілді.
Акцияның басты мақсаты - оқушыларға жақсы үлгі көрсету, қоршаған ортаға ұқыпты қарауға, еңбекке баулуға, туған жерді қастерлеуді үйрету, мектеп ауласын көркейту - көгалдандыру.
Барша жұртты жұмылдыратын тал егу жұмысы арқылы оқушылар табиғат-анаға, күллі жаратылысқа деген ықыластарын оятып, бар күш-жігерлерімен жеміс ағашын отырғызып, игі іс жасады.

Мұқағали Мақатаев тірек орта мектебінде сессия уақытында 10 «А», «Ә», «Б» сынып оқушыларының ұйымдастыруымен Шерхан Мұртаза 90 жыл «Шынның жүзі-Шераға» атты тақырыпта танымдық сағат болып өтті.Сабақтың мақсаты: көрнекті қайраткер, Қазақстан журналистерінің бір емес, бірнеше ұрпағын тәрбиелеген ғажайып қаламгер Шерхан Мұртазаның өмір жолы мен еңбек жолын жас ұрпаққа таныстыру, адамның өмір жолы ақ пен қарадан тұратынын, осы жолда жазушы шығармаларын оқу арқылы жақсылыққа бойлау, жаман деген кесепаттан бойын аулақ салып, адамдық жолына бойлай беру жас буынға насихатталды.
Мектебіміздің 8 «Ә», 10 «А», «Ә», «Б» сынып оқушылары жазушының «Бір кем дүние» ойтолғауынан: «Ойлан ,қазақ», «Намыс қайда», «Баукең солақай емес»,«Құмырсқа ғұмыр», «Кітап қасиеті» , «Жалғыз бала» уайымы», «Қымыз», «Мектеп қартаймайды», «Келіншек тау», «Имансыз болма» .«Ай мен Айша» романынан: «Жолашар», «Сандуғаш сандық», «Ай шуақ күндер», «Қырғыз ата», «Интернат наны», «Айша о дүниелік балаларын уайымдайды», «Жілігімді жағайын». Мектебіміздің 10 «Ә» сынып оқушысы Бодаубек Назерке «41-жылғы келіншек» әңгімесінен үзіндіні жатқа оқыды. «Тәуекел той» әңгімесінен оқушылар қойылым қойды. Шерағаның өмір жолы өнегеге толы. Жас ұрпаққа берері көп. Жас ұрпақ Шерағасын таниды, оқиды, өмір жолынан сабақ алады.

Шу ауданы әкімінің 2023 жылғы 24 ақпандағы "Шу ауданы елді мекендерін көктемгі абаттандыру, көгалдандыру, санитарлық тазалық жұмыстарын жүргізу туралы" 79 қаулысына сәйкес 4 наурыз күні Мұқағали Мақатаев атындағы тірек орта мектебінің (РО) ұжымы сенбілікке қатысты. Мектеп ауласы, күл - қоқыстан тазартылды.

Көктемнің алғашқы күнімен қатар келген алғыс айту күніне арнап мектебіміздің "Жас Ұлан" ұйымының ұйымдастыруымен "Алғыс айту- парызым" атты мерекелік іс- шарасы өтті. Іс-шараның мақсаты: оқушыларға осы күнде барша адамзатқа, қоғамға, жалпы тіршілік иесіне деген жылы лебіздерін алғыс арқылы жеткізу. Алғыс айту күні таң атысымен Жас Ұландықтардың құттықтаулары, бейнероликтерімен басталды. Мерекелік іс- шараны жақсы деңгейде атқарып шықты.

Ақпан айының 23 жұлдызында Мұқағали Мақатаев атындағы тірек орта мектебінде (РО) «Мұғалімнің кәсіби құндылығы – білім, қабілет, тәжірибе, даналық, даралық қасиеттері» атты дөңгелек үстел болып өтті.
Дөңгелек үстел өткізудегі мақсат: адамның даралық, даналық, ұлттық және кәсіби құндылықтарын аша отырып, тәжірибе алмасу болды.
Дөңгелек үстелдің қатысушылары тірек мектеп мұғалімдері мен жас мамандары және магниттік мектептің мұғалімдері. Дөңгелек үстелде қатысушылар «құндылық» сөзінің мәнін аша отырып, қазіргі таңдағы мұғалім бейнесінің қандай болу керектігі туралы сөз қозғап, «ұстаз» ұғымына тереңінен тоқталып өтті. Ұйымдастырушылар: Роза Әбдіғұлқызы,Гүлнұр Бейсенбайқызы, Жұлдыз Тоқтасынқызы тақырыпты ашуда түрлі тапсырмаларды қадам-қадамымен ұсынып отырды. Қатысушылар берілген сауалдарға ұтымды жауап беріп, өз тәжірибелерімен бөлісіп отырды. Көрсетілген бейнефильмнен берілген үзіндіден түйген ойларын ортаға салып, оқушылармен болатын түйткілді жағдаяттардан шығудың жолдары туралы кеңестер айтылды.
Дөңгелек үстел соңында сарапшылар мен тілшілер пікірлерін айтты. Директордың эксперимент ісі жөніндегі орынбасары Баян Ниятуллақызы барлық қатысушы мұғалімдерге алдағы қызмет жолдарына сәттілік тілеп қорытынды сөз сөйледі.

Шу ауданы білім бөлімінің Мұқағали Мақатаев атындағы тірек орта мектебінің (РО) оқушысы Нұрман Инаят, Жамбыл облысы әкімдігінің білім басқармасының 5-8 сынып оқушыларына арналған республикалық "ProEko" экологиялық жобалар конкурсының облыстық кезеңіне қатысып, ІІІ - дәрежелі дипломмен марапатталды.

20 ақпан күні М.Мақатаев атындағы тірек орта мектебінде (ро) сессия жоспары бойынша 8-9- сынып оқушыларының қатысуымен «Дебат – сөз додасы» атты пікірсайыс турнирі өтті. Дебат қарары «Кітап па, әлде интернет пе?» және «Бақыттың кілті байлықта деп есептейді». Дебатқа төрт фракция қатысты «Алаш орда» және «Парламент», «Алаш» және «Ұшқын» фракциялары. Нәтижесінде «Парламент» және «Алаш» фракциясы жеңіске жетті. Дебатқа төрелік еткен тарих пәнінің мұғалімі Абдикасимов Қанат ағай және Рахым Даниял. Ұйымдастырушы Кайбагарова Нұрзада

17 ақпан күні М.Мақатаев атындағы тірек орта мектебінде (ро) сессия жоспары бойынша 10 сынып оқушыларының қатысуымен «Дебат – сөз додасы» атты пікірсайыс турнирі өтті. Дебат қарары «Экономика ма, әлде экология ма қайсысы маңызды?». Дебатқа екі фракция қатысты «Жарық» және «Орда» фракциялары. Нәтижесінде «Жарық» фракциясы жеңіске жетті. Дебатқа төрелік еткен Сайлаубаев Бекнар ағай және Боранқұл Бейбарыс. Ұйымдастырушы Кайбагарова Нұрзада