2022 жылдан бастап ауданымыздағы білім саласында жұмыс істейтін қызметкерлердің 50-60жас мерейтойларына аудандық кәсіподақ комитетінен арнайы сыйлық пен Алғыс хат берілетін болып шешім қабылданды. Осыған орай мектебіміздегі 60 жасқа толған тарих пәнінің мұғалімі Есқараев Нұрланға және кітапхана меңгерушісі Тоқтыбаева Ақкүлге, орыс тілі мен әдебиеті пәнінің мұғалімі Юсупова Наргуляға мерейлі 50 жасқа толуына орай аудандық кәсіподақ комитетінің арнайы дайындаған сыйлықтары табысталды.

Түркі халықтарының ортақ мейрамы Әз - Наурыз мерекесіне орай ұйымдастырылған іс - шараға М. Мақатаев атындағы тірек орта мектебінің ұжымы да белсене араласты. Наурыз көже дайындалып, кең дастархан жайылды. Мектеп мұғалімдері түгел дерлік атсалысты.

Мұқағали Мақатаев атындағы тірек орта мектебінде 18-наурыз күні 4, 8-сынып оқушыларының ұйымдастыруымен "Төрлет, төл мереке әз Наурыз!” атты салтанатты іс-шара өтті.
Мақсаты: Ұлттық салт-дәстүрлерімізді құрметтеп, мақтан етуге тәрбиелеу. Наурыз қазақтың ұлттық мейрамы екенін ашып көрсету.
Кеште "бесікке салу”, "тұсау кесу” секілді ұлттық дәстүрлеріміз көрсетілді. Күй шырқалып, әнде айтылды, мың бұралған бишілерде өз өнерлерін паш етті. Кеш соңында мектеп директоры А.Сихимова көпшілікті мерекемен құттықтады.

"Ұлыстың ұлы күні Наурыз" мерекесі қарсаңында мектепішілік жоспарға сәйкес Мұқағали Мақатаев атындағы тірек орта мектебінде (РО) оқушылар арасында "Үкілі кәмшат" атты қазақтың ұлттық киімдерімен флэшмоб ұйымдастырылды.
Ұйымдастырушы: А.Маханова

Мұқағали Мақатаев атындағы тірек орта мектебінде (РО) мектепішілік жоспарға сәйкес Кеңес Одағының екі мәрте Батыры атағын иеленген жалғыз қазақ, ұшқыш-шабуылшы Талғат Бигелдиновтың туғанына 100 жыл толуына орай мектебімізде 8-9 сынып оқушыларының қатысуымен үйірме жетекшілері Мырзалиева Насима және Кайбагарова Нұрзада «Көк аспанды бағындырған батыр» атты дөңгелек үстел өткізді.
Мақсаты: Оқушыларға қазақтың мәртебесін көкке көтерген Талғат Бигелдинов өмір тарихы туралы мәліметтер беру. Өз Отанын сүюге, құрметтеуге, патриоттық сезімге тәрбиелеу.
Дөңгелек үстелге оқушылар белсене қатысты. Оқушылар Т.Бигелдиновтың өмірбаяны, балалық шағы, оқыған оқу орындары, майдандағы ерліктері, марапаттары, соғыстан кейінгі жылдардағы жасаған қызметтері, шығармашылығы туралы дөңгелек үстелде өз білімдерімен бөлісті.

Анықтама
11.03.2022ж. Мұқағали Мақатаев атындағы тірек орта мектебінде «Мүмкіндігі шектеулі балаларға арналған инклюзивті білім беру жүйесі» тақырыбында 10.03. күні облыстық әдістемелік кабинеті дайындаған вебинардың негізінде ДЖЭІЖО Б.Джексенбаеваның жетекшілігімен дөңгелек үстел ұйымдастырылды. Инклюзивтік білім берудің негізгі мақсаты – барлық балалардың психикалық және физикалық мүмкіндіктеріне, ата-аналарының әлеуметтік және экономикалық мәртебесіне, мәдениетіне, ана-тіліне, бұрынғы оқудағы жетістіктеріне, жеке бас ерекшеліктеріне қарамай білім алуы мен нәтижелі табысқа жетуі үшін қажетті жағдайлар жасау және білім берудің баршаға қолжетімділігін қамтамасыз ету болатын. Инклюзивті оқыту арқылы барлық балалардың мұқтаждықтарын ескеріп, ерекше қажеттіліктері бар балалардың білім алуын қамтамасыз ететін жалпы білім үрдісін дамытуға болатынын айқындап айтты. Бұл бағыт арқылы мүмкіндігі шектеулі балаларды оқуда жетістікке жетуге ықпал етіп, жақсы өмір сүру мүмкіншілігін қалыптастыруға жетелейтіні айтылды.Сонымен қоса, инклюзивті оқыту үрдісі оқушыларды шынайы қарым - қатынас шеңберінде тәрбиелеудің бастауы болмақ екені көзделді. Мүмкіндігі шектеулі балаларға білім бере отырып, оларды адамгершілікке, ізгілікке, қайырымдылыққа тәрбиелей аламыз деп, жыл бойына жүргізілген жұмыстардың төмендегідей бағыттарын нұсқады.
1. Жылдық мониторинг
2. Төлқұжат
3. Мінездеме
4. Бақылау күнделігі
5. Сабақ кестесі
Математика пәні мұғалімі Иманбаева Сәуле «Мүмкіндігі шектеулі балаларға арналған инклюзивті білім беру жүйесі бойынша оқу бағдарламаларын пайдалану» тақырыбында тәжірибе алмасу мақсатында коучинг өткізді. Соңында тәжірибе алмасу мақсатында осындай іс-шаралар жиі ұйымдастырылса деген ұсыныс айтылды.

Мұқағали Мақатаев атындағы тірек орта мектебінде (РО) 1 Наурыз "Алғыс айту" күніне орай Жасұландықтар ұстаздарды құттықтап, алғыстарын білдірді. Мектеп алаңына 9-10 сыныптар флэшмоб ұйымдастырып, керемет көңіл күй сыйлады.