Мұқағали Мақатаев атындағы тірек орта мектебінде (РО) өзін-өзі тану пәнінен "Сүйіспеншілік пен шығармашылық педагогикасы" тақырыбындағы он күндіктің жоспарына сәйкес 09.02.2022 жылы бастауыш сынып мұғалімі Сыздыкова Жанар Естаевна "Сүйіспеншілік - өмір өзені" тақырыбында 2 "В" сынып оқушыларына ашық сабақ өтті Сабақтың басты мақсаты: Оқушыларға сүйіспеншілікпен өмір сүрудің маңыздылығын жеткізу арқылы сүйіспеншілік құндылығының мәнін ашу. Оқушыларды айналасына риясыз жақсылық жасай білуге, қамқорлық танытуға баулу. Сабақ балаларға өте қызықты болды. Сабаққа оқушылар белсене қатысып, сабақ өз мақсатына жетті.

Мұқағали Мақатаев атындағы тірек орта мектебінде (РО) ақпан айының оныншы жұлдызында «Жомарт түлек 2022» жобасы аясында өткізіліп отырған «Танымал түлек» атты онлайн – кездесу кеші өтті. Бұл кездесуге осы мектепте оқып білім алған қазіргі уақытта Павлодар қаласындағы Жүсіпбек Аймауытов атындағы қазақ музыка – драма театрының актрисасы Бодаубек Айкүн Айбатқызы қонақта болды. Іс шараға мектебіміздің 9 - 11 csysg оқушылары ат салысты. Бұндағы мақсат болашақ бітіруші түлектерге кәсіби бағыт бағдар беру. Кездесу өте қызықты өтті. Келген қонағымыз түрлі сұрақтарға жауап берді, берілген жағдаяттардан шығу жолдарын іздестірді. Қазіргі болашақ түлектерге әпкелік ақыл – кеңестерін берді. Бітіруші түлектерге жылы лебізін білдірді. Оқушыларлың сұрауы бойынша М. Мақатаевтың өлеңін көркем түрде шебер орындап берді.
Сөз соңында мектебіміздің ұстаздары танымал түлегімізге болашақта жарқын белестерді бағындыра беруін тілеп, ақ тілегін жаудырды.

Мұқағали Мақатаев атындағы тірек орта мектебінің (РО) бастауыш сынып оқушылар арасында 09.02.2022 күні өзін өзі тану онкүндіктің жоспарына сай «Руханилықтың мөлдір бұлағы» тақырыбында сурет салу және ашық хат жасау конкурстары ұйымдастырылып, көрме жасалды.
Көрменің мақсаты: Руханилық адам жанының азығы екендігі, айналамызбен әрбір қарым – қатынас ізгі ниетпен, адал жүрекпен жасалу қажеттігін оқушы бойына дарыту.
Көрмеде жасалған жұмыстар өз деңгейінде ұйымдастырылып, оқушылар марапатталды.

Мұқағали Мақатаев атындағы тірек орта мектебінде (РО) "Сүйіспеншілік пен шығармашылық педагогикасы" тақырыбындағы онкүндіктің жоспарына сәйкес ақпан айының 10 күні бастауыш сынып мұғалімі Г.Шикетаева 4 "г" және Р.Кыдырбеккызы 3 «Е» сынып оқушыларымен "Қайырымдылық - жер бетінде" тақырыбында флешмоб ұйымдастырды.
Мақсаты: өзінде бар құндылықтарды бағалай білуге үйрету, бақытқа қол жеткізе алатынына сенім туғызу, өмірге құштарлықтарын арттыра отырып, қайырымдылыққа, білімділікке, адамгершілікке тәрбиелеу.