Тілдер мерекесінің жабылуына орай М.Мақатаев атындағы тірек орта мектебінде (РО) 15.09.2023 ж. "Тіл мәртебесі - ел мәртебесі" тақырыбында кеш өтті. Мақсаты: оқушыларға ана тілін білудің маңызын түсіндіру, ана тілі туралы жазылған ақындардың өлеңдерін мәнерлеп оқи білуге дағдыландыру, ана тілін құрметтей білуге тәрбиелеу. Кеш барысында оқушылар тіл туралы тақпақтарын, әндерін айтып билерін билеп ана тіліне деген өз құрметтерін жеткізді.

14.09.2023 жылы Мұқағали Мақатаев атындағы тірек орта мектебі (РО) 10-9 сынып оқушыларымен
,,Отбасы күніне" орай өмірі қиын жағдайда жүрген отбасылар үшін қайырымдылық акциясын ұйымдастырдық. Төле би ауылының тұрғыны 86 жастағы Мырзақұлов Базарқұл атамыздың үйіне барып үй тазалығымен айналысып көмек көрсеттік. Атамыз рахметін айтып батасын берді.

07.09.2023жылы Мұқағали Мақатаев атындағы тірек орта мектебінің(Р.О) 10 -шы сынып оқушыларымен "Мерейлі отбасы" ұлттық конкурсының жеңімпазы болған Ахметжановтар отбасымен кездесу өткізілді.
Мақсаты: отбасы құндылығы туралы түсініктерді отбасы туралы ұғымдарды кеңейту, оны сүйе білуге үйрету.
Орындаған: Кәсіптік бағыт бағдар беруші педагогы Асаиынова Ж, Алиев А.

М. Мақатаев атындағы тірек орта мектебінде 08.09.2023 жылы «Тіл – достықтың кілті, ынтымақтастықтың бастауы» атты өзге ұлт оқушыларының арасында мемлекеттік тілде мәнерлеп оқу сайысы өтті. Мақсаты: Өзге ұлт өкілдері арасында мемлекеттік тіл- қазақ тілінің қолданыс аясын кеңейту, мемлекеттік тілдің мәдениетін көтеру, әдебиетті насихаттау, талантты жастарды іздеп табу.
Көп тіл білсең көкжиегің кең болар,
Құрметтейді кісі екен деп төрге озар.
Қай елде жүрсең де бұл дұрысы,
Мемлекеттік тілді үйренген жөн болар, — демекші, аталған іс-шараға 5-9 сынып оқушылары белсене қатысты. Сайыс болған соң әрине, жүзден жүйрік, мыңнан тұлпар озып шығады. Жүлделі бірінші орынды 5 сынып оқушысы Азимова Хадиджа иеленді. Екінші орынды 5 сынып оқушысы Жаппарова Ася, 6 сынып оқушысы Мурадова Наргиза қанжығасына байлады. Үшінші орынға Рафатова Айсу, Дурсунова Сонгуль, Османов Руслан ие болды. «Тіл – достықтың кілті, ынтымақтастықтың бастауы» атты өзге ұлт оқушыларының арасында ұйымдастырылған сайысы жоғары деңгейде өтті.

Мұқағали Мақатаев атындағы тірек орта мектебінде 2023 жылдың 7 қыркүйегінде төтенше жағдайлар бөлімінің қызметкерлері Пермебаев Марлен Берікбайұлы және Джумурбаев Мереке Топарбекович 8-10 сыныптары арасында «Түрлі төтенше жағдай кезіндегі оқушылардың іс-қимылдары» тақырыбында түсіндірме жұмыстарын жүргізді.

М. Мақатаев атындағы тірек орта мектебінде 6.09.2023 ж "Тіл - халық мұрасы" атты тіл мерекесінің ашылу салтанаты өтті. Қадірлі, бағасы алтын анам тілі,
Сенімен бағаланған балаң түрі.
Төрт бөліп түн ұйқысын жұбатам деп,
Сенімен әлдилеген анам мені... деп ақындарымыз жырлағандай біз өз ана тілімізді мақтан етеміз.
Іс-шара барысында 5-11сынып оқушылары туған тіліміз туралы өлең оқып, ән айтты. "Ерке сылқым" биімен бұрала билеген бишілерде болды. 10- сынып оқушысы Тоқтасын Нұрхан домбырамен өз туындысын орындап көрерменді тәнті етті. Сахнаға Төле би, Қазыбек би, Әйтеке би шығып, тіл туралы толғау орындады. Іс-шара "Қазақпын" әнімен жалғасты, оқушылардың патриоттық сезімдерін оятып, туған жерін, тілін, Отанын сүюге баулыды.

М.Мақатаев атындағы тірек орта мектебінде (РО) 2023жылдың 5қырүйек күні «Тілдер мерекесіне» орай мемлекеттік тілде жалпықазақстандық ашық диктант жазу жұмысы жүргізілді. Ашық диктант тақырыбы қазақ халқының біртуар перзенті, Алаш қайраткері, ақын Мағжан Жұмабаевтың туғанына 130 жыл толуына орай жазылды.
Аталған іс - шараға мектептің мұғалімдері мен 8-11 сынып оқушылары қамтылды.

«Ас адамның арқауы» дегендей балалар мен жасөспірімдердің денсаулығының мықты болуы кез-келген қоғам үшін маңызды. Бүгінгі жас ұрпақ-еліміздің ертеңгі болашағы. Биылғы оқу жылында Мұқағали Мақатаев атындағы тірек орта мектебінде (РО) 1-4 сынып оқушылары 04.09.2023 жылдан бастап, бір мезгіл тегін ыстық тамақпен қамтылды. Күнделікті мектеп медбикесінің тексеруінен өтеді. Қуырылмаған, буға қайнатылған балалардың ағзасына жеңіл тағамдар.