Мұқағали Мақатаев - ақиық ақын, сонымен қатар қазақтың қара өлеңіне шекпен жауып қайтарған абыз, қарапайым да жұмбақ тағдыр иесі. Мұқағали-ХХ ғасырдың санаулы саңлақтарының бірі. Мұқағали Мақатаевтың "Қазақстан" атты өлеңін мәнерлеп оқыған 10"Ә" сынып оқушысы Исаева Аяжан.

«Мұқағали -ғажайып, ақиық, сыршыл гуманист ақын. Ол бізге көрінбейтін сиқыр бояулардан, бізге естілмейтін сиқыр бояулардан, бізге естілмейтін құпия дыбыстардан тоят алатын жұмбақ ақын.» Мұқағали Мақатаевтың "Шыда, шыда" атты өлеңін мәнерлеп оқыған 10"Ә" сынып оқушысы Оңалбаева Бибінұр.

Мұқағали - қазақтың лирик ақыны, мұзбалақ ақын, өз заманында лайық бағасын ала алмаса да өзінен кейінгілер үшін мәртебесі биік ақиық ақын. Мұқағали Мақатаевтың "Аққулар ұйықтағанда" өлеңін мәнерлеп оқыған 4"В" сынып оқушысы Талғат Нұрай.

Мұқағали Мақатаевты ұрпақтары ешқашан ұмытқан емес. Мұқағали бір ғасырда бір келетін, қазақ поэзиясының алтын домбырасы дерліктей хас талант иесі. Иә, жақсы жырды, жақсы ақынды таңдай білсек, қорғай білсек, халқымыздың рухани өзегі, сана байлығы толыға түсері анық. Мұқағали Мақатаевтың әрбір өлеңін қымбат қазынымыздай сақтап, оқуымыз керек. Ол – біздің міндетіміз. Мұқағали Мақатаевтың келесі өлеңін мәнерлеп оқыған 9 "Б" сынып оқушысы Еркін Жания.

Мұқағали - қазақ поэзия әлеміне шетсіз - шексіз кеңестік пен көз сүрінген биіктік әкелген ақын. Кәусар сезім мен тояттамас көңіл, шалқыған шаттық пен мұңға тұнған махаббат, буырқанған шабыт пен сабырға көнбес сағыныш сыйлаған ақын. Мұқағали Мақатаевтың келесі өлеңін мәнерлеп оқыған 10 "Ә" сынып оқушысы Хизатуллаева Диляра.

Қазақтың қара өлеңін кие тұтқан, жүрегінің түбінен қайнап шыққан асыл жырларымен қалың жұртшылықтың махаббатына бөленген Мұқағали Мақатаевтың келесі өлеңін мәнерлеп оқыған 8 "Б" сынып оқушысы Бодаубек Назерке.

Мұқағали Мақатаев атындағы шағын орталықты тірек орта мектебінде (РО) 9 ақпанда ақиық ақын Мұқағали Мақатаевтың туылғанына 90 жыл мерейтойы аталып өтпекші. Тума талант бұл өмірден өтсе де, барша қазақтың жүрегінде берік орныққан. «Ақынмын деп мен қалай айта аламын, Халқымның өз айтқанын қайталадым. Күпі киген қазақтың қара өлеңін, Шекпен жауып өзіңе қайтарамын» - деп жүрегінің түбінен қайнап шыққан асыл жырларымен қалың көпшіліктің махаббатына бөленген Мұқағали Мақатаевтың поэзиясына арналған «Мұқағали - мәңгілік ғұмыр» атты онлайн Мұқағали оқуларын мектебіздің "Жас Ұлан" балалар мен жасөспірімдер ұйымының Ұланбасы Құрманғали Ұлжан бастады.

 

 

Мұқағали Мақатаев атындағы шағын орталықты тірек орта мектебінде (РО) 25-29 қаңтар аралығында Қазақстан Республикасының Президенті Қасым-Жомарт Тоқаевтың 2021 жылғы 5 қаңтардағы «Тәуелсіздік бәрінен қымбат» атты мақаласына орай 1-11 сынып оқушылары арасында сынып сағаттары өтті.

2021 жылдың 27 қаңтар күні Мұқағали Мақатаев атындағы шағын орталықты тірек орта мектебінде қазақ тілі мен әдебиеті пәнінің мұғалімі Кадрбекова Жадыра Бауыржанқызы «Қазақстанның Қызыл кітабына енген құстар» тақырыбында ашық сабақ өтті. Ашық сабақ 8 «Ә» сынып оқушыларымен Zoom платформасы арқылы өткізілді.
Оқу мақсаттары:
8.1.6.1 – коммуникативтік жағдаятқа сай ғылыми және халықаралық терминдерді , ғылыми деректерді орынды қолданып, диалог, монолог, полилогта өз ойын дәлелді, жүйелі жеткізу.
8.4.4.2 – тұрлаулы және тұрлаусыз сөйлем мүшелерінің сөйлем жасаудағы өзіндік орнын , қызметін түсініп қолдану.
Бағалау критерийлері:
8.1.6.1 – коммуникативтік жағдаятқа сай ғылыми және халықаралық терминдерді , ғылыми деректерді орынды қолданып, диалог, монолог, полилогта өз ойын дәлелді, жүйелі жеткізеді.
8.4.4.2 – тұрлаулы және тұрлаусыз сөйлем мүшелерінің сөйлем жасаудағы өзіндік орнын , қызметін түсініп қолданады.
Сабақтың барысы жүйелі, әрі әдістемелік жағынан ұтымды өтті. Сабақта мұғалім жаңартылған білім мазмұны бағдарламасының модульдерін тиімді қолдана білді. Мұғалім жаңа сабақты оқушылардың қаншалықты меңгергендігін білу мақсатында оқушылармен кері байланыс жасады. Мұғалімнің өзін-өзі ұстауы, балалармен қарым-қатынасы өте жақсы.
Оқушылардың белсенділігі мен ынтасы да жақсы. Оқушылар түрлі тапсырмалар орындау барысында мұғалімнің көмегінсіз өз тапқырлықтарымен білімдерін дәлелдеді. Сабаққа оқушылар белсене қатысып , өз білімдерін ортаға салды. Сөздік қорлары артып, өз ойларын ашық айта білді. Сабақта презентация, видео, кері байланыс, бағалау жұмыстары жүйелі жүргізілді. Мұғалім сабақты өз дәрежесінде өтіп шықты. Сабақ мақсатына жетті

2021 жылдың 27 қаңтар күні Мұқағали Мақатаев атындағы шағын орталықты тірек орта мектебінде (РО)орыс сыныптарындағы қазақ тілі мен әдебиеті пәнінің мұғалімі Сабыралиева Ардана Даулетханқызы "Жаңа технологиялар" тақырыбында кезекті ашық сабағын өтті. Сабақтың мақсаты: Тыңдалған мәтіннің негізгі мазмұнын түсіну, ақпараттың шынайылығы мен нақтылығын анықтау; Оқушыларды жаңашылдық пен саяси саналылыққа тәрбиелеу. Елін,жерін, тілін, әдет-ғұрпын құрметтейтін жаны таза , адамгершілігі мол, өз Отанын сүйетін азаматты қалыптастыру. Мемлекеттік тілді меңгерудің ең бастысы-тыңдау, сөйлеу, ойлау, оқу, жазу тіл үйренудің компоненттері дейтін болсақ, бүгінгі сабақта осы мәтінді игеру барысында тілдік қызметтің барлық түрі жан-жақты қамтылды.