0 Әрбір жеке тұлғаның болашағы мектепте шыңдалады. Ертең осы елге ие болып тәуелсіз елдің тізгінін ұстар азаматтар - бүгінгі мектеп оқушылары. Баланы ең әуелі мейір-шапағатқа, одан соң ақыл-парасатқа,
ақырында нағыз пайдалы ғылымға, еңбекке баулыған жөн. Біртұтас тәрбие бағдарламасы – ұлттық құндылықтар негізі. Тәрбие мен білім беру жүйесіндегі бірлескен жұмыстар, яғни тек тәрбие саласында ғана емес, білім процесінде де нәтиже берді. Алдымызда отырған жас ұрпақты тұлғаға айналдыру үшін ұлттық құндылықтар арқылы тәрбие берудің маңызы зор. Ал біртұтас тәрбие бағдарламасы осы мақсаттарға жетудің тиімді құралдарының біріне айналғаны сөзсіз. Ұрпақты тәрбиелеуде баланы құндылықтарға ерте бастан баулу оның отбасынан басталып, мектеп қабырғасында жалғасын табады. Ұлттық тәлім тәрбиенің іргетасын дұрыс қалай білу мұғалімдердің ата-аналармен қосылып жүргізген жұмыстарына байланысты болмақ. Өйткені, бірінші ұлттық тәрбиенің ошағы – отбасында, екінші – мектепте болғандықтан, ата-ана мен мектеп, яғни мұғалімдер мен қоғам тығыз байланыста болуы шартты нәрсе.
#біртұтастәрбиебағдарламасы
#oqu_agartu_ministrligi
#ganibeisembayev
#medetbekovameruert

0 29 қаңтар күні М.Мақатаев атындағы тірек орта мектебінде (РО) магниттік мектеп білім алушылармен қысқы сессия жұмысын бастап кеткен болатын. Осы орайда 01 ақпан күні М.Мақатаев атындағы тірек орта мектебі, Еңбекші орта мектебі және Ш.Мұртаза атындағы орта мектебінің 8 "Е" сынып оқушылары физика пәні мұғалімі Қ.Охаевамен "Өткізгіштерді тізбектей қосу" тақырыбында зертханалық жұмыстарды орындады. Білім алушылар сұлба бойынша тізбекті жинақтап, құралдардың көрсетулерін кестеге жазып алды. Зертханалық жұмысты орындауда М.Мақатаев атындағы тірек орта мектебінен Саулебай Н., Тулеген М., Сұлтан Ғ., Еңбекші орта мектебінен Құдайберген Т., Ш.Мұртаза атындағы орта мектебінен Бұқантай Г., Болат Нұрхат белсене қатысты. Зерттеу мақсатына жетті. Оқушылар зор қызығушылықпен жұмысты орындап шықты.

0 Мұқағали Мақатаев атындағы тірек орта мектебінде (ресурстық орталық) 2-ақпан күні ұлттық поэзия падишасы Мағжан Жұмабаевтың рухына арналған "МЕН ЖАСТАРҒА СЕНЕМІН” атты танымдық сағаты өтті. Танымдық сағатты ұйымдастырушы: тірек мектебінің 8 "Ә”сынып оқушылар және сынып жетекшісі Ахина Ж. Т. Ресурстық орталық жұмысы аясында өткізілген бұл танымдық сағаттың мақсаты: ақынның өмір жолы мен шығармашылығын насихаттай отырып, оқушыларға әрі қарай ізденуге бағыт беру. Аталған танымдық сағатта поэзия падишасының мұрасынан бірқатар шығармалары мен поэмалары жатқа айтылды. Ақынның сан қилы ауыр тағдыры мен жұмбақ өлімі туралы қойылымдар көрсетіліп, бұрын айтылмаған тың деректер де паш етілді. Мағжан ақынның сөзіне жазылған "Сен сұлу” әні шырқалып, "Мен жастарға сенемін” әнін хор ретінде айтып шықты. Оқушылардың ізденімпаздығы мен тыңғылықты дайындығының арқасында танымдық сағаты жоғары деңгейде өтті. Іс-шара соңында магниттік мектеп оқушылары алған әсерлерімен бөлісіп, ішкі толқыныстарын да жасыра алмады. Кері байланыс парағын толтырған ұстаздар мен оқушылар ұсыныс, лебіздерін білдіріп, танымдық сағат туралы ойларын ашып жазды.
Директордың эксперимент ісі жөніндегі орынбасары Б.Н. Жексенбаева бұл танымдық сағатты ұлы Абайдың
" Өлең - сөздің патшасы, сөз сарасы,
Қиыннан қиыстырар ер данасы.
Тілге жеңіл, жүрекке жылы тиіп,
Теп-тегіс, жұмыр келсін айналасы” деген өлең жолдарымен баға бере отырып қорытындылады.

0 Мұқағали Мақатаев атындағы тірек орта мектебі (РО) «Кел достарым» атты флешмоб өткізілді.
Мақсатты: Оқушылардың бойына қимыл икемділігі мен музыкалық сезімін, музыка ырғағын тусіндіріп қалыптастыру.Окушылардың дене мүшелерінің әр бағытта қозғай білуге немесе қолдарының қозғалуын үйлестіріп орындауға үйрету.Балалардың өз өнерлерін көпшілік ортаға салу арқылы шығармашылық білімдерін көрсету.Оқушыларға би туралы білім мен дағдыларды меңгерте отырып, зейінін, есте сақтау, елестету, бақылау қабілетін дамыту.Би өнерімен қажетті деңгейде балаларды әсемдік әлеміне біртіндеп бойларын үйрету. Тілдік моториканың және көңіл күйдің дамуына, жағымды қылықтарға, әдемілікке, достыққа, тәртіптілікке, татулыққа, мәдениеттілікке тәрбиелеу. Біз бір-бірімізбен дос тату екенімізді көрсеттік. Қандай іс болмасын біз үшін шешілмейтін түйін жоқ екеннің осы топ арқылы көрсеттік деп ойлаймын.Осымен біздің флешмобымыз аяқталды.
#Біртұтас_тәрбие
@oqu_agartu_ministirligi

0 Мұқағали Мақатаев атындағы тірек орта мектебі (РО) )«ДосболLIKE достық қолын ұсын» акциясы бойынша «Бала мен қарым-қатынас құру құпиясы» атты трениг өткізілді.
Бала үшін бас ұстаз – ата-ана екенін ескерсек, жақсы ата-ана бола білу аса жауапты іс. Баламен сырсыз қатынас құрудың қыр-сырын ақтарамыз.Қарым-қатынас – социумдық ұғым болғанымен, адам өмірінің ең маңызды әрі күн сайын жолығатын дүниесі. Тап қазір осы мақаланы оқып отырған Сіз осы уақытқа дейінгі сізбен болған бүкіл қарым-қатынастың өнімісіз. Демек, индивидаралық коммуникация белгілі бір тұлғаның бойындағы барлық қасиеттерді, түсінік-көзқарастары мен ұстанымдарын, талғам-қабілетін қалыптастыратын ең қымбат валюта. Ал оны дұрыс қалыптастыру мәселесі өз алдына бөлек дастан. Әсіресе, жас ата-ана мен бала арасыДаму барысында бала алдымен вертикальды байланыстарға сүйенеді, ол толығымен ата-анасына немесе отбасының басқа мүшелеріне байланысты. Ана баласына мейірін төгіп, махаббатын арнаған соң әкеге қарай ауа бастайды. Әкесімен байланыс орнатқан соң, ата-әже, бауырларымен қатынас түзейді.

0 Мұқағали атындағы тірек орта мектебі (РО) Мұқағали Мақатаев атындағы тірек орта мектебі (РО)«ДосболLIKE достық қолын ұсын» атты Волейболдан акция өткізілді. Волейбол ойындарынан жарыстар ұйымдастырылып оқушылар өздерінің бақтарын сынады.Оқушыларды мейірімділікке тәрбиелеу, татулық ұғымын қалыптастыру. Достық туралы түсініктерін кеңейту, ұйымшылдыққа, еңбекқорлыққа тәрбиелеу. Балаларды көпшілік ортаға бейімдеу. Оқушылар белсене қатысты.

0 "9 айға - 9 іс шара" жобасы аясында қаңтар айында Мақатаев атындағы тірек орта мектебінде "Қазақ есебі" челленджі өткізілді. «Қазақ есебі» челленджі ф-м.ғ.д., профессор ҚР ҰҒА академигі, ғалым-математик Жұмадилдаев Асқар Серқұлұлының авторлық есептерін шешуге арналады.
Мақсаты: білім алушылардың креативті және сыни ойлауын дамытуға ықпал ету
Математикалық білімнің өмірмен байланысын көрсету.
Математикалық есептер шығару білім алушылардың есте сақтау, ойлау қабілеттерін дамытуға, логикасын, зейінін жаттықтыруға ықпал етеді.
Математикалық есептерді шешу білім алушыларды ойлануға, модельдеуге, болжауға және нақты мысалдарды дәлелдеуге негіз болады, бұл күнделікті өмірде ең қарапайым және күрделі мәселелерде оң шешім қабылдауына әсер етеді.

0 М.Мақатаев атындағы тірек орта мектебінде(РО)қаңтар айының 31 күні ағылшын тілі пәні мұғалімі Сырымбетова Шынар Манатбековна 10 "А”сынып оқушыларымен "Creative minds. Hand- imal Art” тақырыбында ашық сабақ өткізді. Ашық сабақтың мақсаты: to talk about creative minds and art; to understand specific information and detail in extended text.Сабақтың мақсаты: “Өнер және мәдениет” тақырыптары бойынша сөздік қорын белсендіру; мәтін туралы жалпы түсінік беру мақсатында қажетті ақпаратты алу мақсатында оқу дағдыларын қалыптастыру және дамыту;сөйлеу дағдыларын қалыптастыру (диалог) . Сабақтың құрылымы жаңартылған білім мазмұны бойынша құрылған.Мұғалім сабақ барысында тақырыпты ашу мақсатында видеоролик көрсетті,"Brain Storm" әдісі бойынша миға шабуыл жасалды.Сонымен қатар оқушылар өнер және өнердің түрлері туралы сұрақтарға жауап берді.Сабақта топтық жұмыс, жеке , жұптық жұмыс жасалды.Сабақ ортасында wordwall платформасы арқылы оқушылар сұрақтарға жауап беріп тапсырма орындады. Жұптық жұмыс барысында оқушылар диалог құрды, сабақ қорытындыланды.Сабақ соңында кері байланыс алынды.

0 Бүгінде өскелең ұрпаққа сапалы білім беру жолында түрлі шаралар қолға алынып жатыр. Ел болашағы жастарымыз жан-жақты жағдай жасалған білім ордасынан білім алуы тиіс. Соның бір дәлелі, Төлеби ауылы М.Мақатаев атындағы тірек орта мектебінде (РО) магниттік мектептермен шығармашылық жұмыс үлкен жолға қойылған. Баланың тым тереңде жатқан қабілеттерінің көрінуіне мүмкіндік жасау мақсатында, 31 қаңтар күні, магниттік мектеп оқушылары аясында М.Мақатаев мектебінде "Бабаларым аңсаған мекен, Туған жерім айналдым сенің қасиетіңнен!» атты тақырыпта үйірме жетекшісі Асенова Қазынаның ұйымдастыруымен кішігірім ғылыми-шығармашылық жобасы өткізілді. Бұл жобаға магниттік мектеп оқушылары да қатысып, өз ауылдарының өткен және бүгінгі тарихымен, ауылдарының ұлы тұлғаларымен мақтанып,ауылдарының көремет көрнекі жерлерін слайдпен көрсетіп, таныстырып, оқушылардың білім қоржынын толықтырды. Нәтижесінде жоба өз мақсатына жетті. Келген қонақтар да оқушылардың еңбегін жақсы деп бағалап, қошеметтеп, жақсы тілектерін білдірді. Сөз соңында мектебіміздің директордың эксперимент ісі жөніндегі орынбасары Б.Н.Джексенбаева "Оқушы толтыратын ыдыс емес, оқушы алау, оны жаға білу керек" деп, оқушылардың жетістігін жақсы бағалап, жақсы тілегімен аяқтады.

0 Мұқағали Мақатаев атындағы тірек орта мектебі (РО) «Ертегі әлеміне» саяхат атты қойылым өткізілді. Халық ертегілеріне деген сүйіспеншілікті тәрбиелеу-мектеп жасына дейінгі маңызды міндеттердің бірі. Қазақ ауыз әдебиетіндегі мазмұны терең, тілі бай, тақырыбы әр алуан болып келетін саланың бірі – ертегілер. Ол ата-бабаларымыздың ұзақ жылдар бойы жинаған асыл қазыналарының ең көне түрі болса да, осы күнге дейін өскелең ұрпақты жан-жақты тәрбиелеуде маңызын жоймаған жанрлардың бірі. Ерте жастан бастап халық ертегілерін оқу баланың адамгершілік қасиеттерін қалыптастырады және дамытады.
Мақсаты:
оқушыларға ертегіні суреттеп ,сахналап қою, мән-мағынасын ашу. Халық ауыз әдебиеті шығарма кейіпкерлерінің істеріне баға беріп,өз көз - қарастарын білдіруге үйрету. Ұқыптылыққа, жауапкершілікке, жақсыдан үйреніп, жаманнан жиреніп, баланы жақсылыққа бейімдеу.көз қарастарын білдіруге үйрету. Ұқыптылыққа, жауапкершілікке, жақсыдан үйреніп, жаманнан жиреніп, баланы жақсылыққа бейімдеу. Оқушылар белсене ат салысты.