0 Мұқағали Мақатаев атындағы тірек орта мектебінде (РО) психологиялық кеңес беру айлық шеңберінде 6 сынып оқушыларымен «Біздің күшіміз бірлікте!»тақырыбында сынып сағаты өткізілді. Мақсаты: Оқушыларды адалдыққа, шыншылдыққа тәрбиелеу, өзімшілдіктен, менмендіктен тағы басқа жаман әдеттерден аулақ жүруге үйрету. Өткізілген күні: 16.02
#Жамбыл_психологиял айлық_2024

0 Мұқағали Мақатаев атындағы тірек орта мектебінде (РО) психологиялық кеңес беру айлық шеңберінде 5-7 сынып оқушыларымен «Жақсы сөз жанға демеу» тақырыбында тренинг өткізілді. Жақсы сөз айтуға баулу,айналаға жақсы көңіл-күй сыйлау, бір ауыз жылы сөз риясыз күлкі сыйлайтынына куәгер болу мақсатында
«Жақсы сөз жаңға демеу» атты акция жүргізілді.
Мектеп белсенділері жақсы сөз туралы мақал-мәтелдердің мағынасын ұстаздардан сұрап шықты.
Өткізілген күні:15.02
#Жамбыл_психологиял айлық_2024

0 Мұқағали Мақатаев атындағы тірек орта мектебі(РО)2024 жылы ақпан айында қысқы сессия уақытындағы дамыту блогының жоспары негізінде магниттік мектептермен бірге 10 "в”сынып оқушылары және сынып жетекшісі Баетова Анар Ермеккызының ұйымдастыруымен "Қаныш Сәтбаевтың туғанына 125 жыл”атты танымдық сағат өтті.Танымдық сағатымыздың мақсаты: – Қаныш Имантайұлы Сәтбаевтың казақстандық ғылымның тарихындағы, қалыптасуы мен дамуындағы, геологияда металлогения бағытының пайда болуындағы көрнекті рөлін көрсету. Ғалымның геология ғылымдары саласындағы ғылыми еңбектерін жалғастырушы Қазақстан ғалымдарының еңбектерімен таныстыру
Танымдық сағаттың міндеттері:
оқушыларға Қаныш Сәтбаев жайлы мәлімет беру;
ой — өрісін кеңейтіп, шығармашылық қабілеттерін жетілдіру;
 ғалымның өнегесі мен еңбектері арқылы оқушыларды білімді, дарынды, өнегелі болуға тәрбиелеу;
 отансүйгіштік сезімдерін арттыру.
Көрнекілігі: Каныш Сәтбаев туралы кітап көрмесі, буклеттер мен пайдалы қазбалардың сынамалары.
Каныш Сәтбаев туралы қысқаша дерек: Биыл қазақ даласының ұлы перзенті Қаныш Имантайұлы Сәтбаевтың туғанына 125 жыл толып отыр. Қ.И.Сәтбаев – алгебрадан мектеп оқулығының алғашқы құрастырушысы, тұңғыш кәсіби тау-кен инженері, ғалым-геолог, Қазақстан Ғылым академиясының негізін қалаушы және тұңғыш президенті, Қазақстандағы алғашқы Мемлекеттік сыйлықтың лауреаты, еліміздегі ғылымның негізін салушылардың бірі, мемлекет және қоғам қайраткері.1920-1941 жылдары — Баянауылда халық судьясы, «Атбастүстімет» тресі геология бөлімінің, Қарсақтай мыс комбинаты геологиялық барлау бөлімінің бастығы, комбинаттың бас геологы қызметтерін атқарған. 1941-1952 жылдары — КСРО Ғылым академиясы Қазақ бөлімшесінің құрамындағы Геология ғылымдары институтының директоры, КСРО Ғылым академиясының Қазақ бөлімшесі Төралқасы төрағасының орынбасары, төрағасы, Қазақстан ғылым академиясының президенті болған. 1952 жылы — әміршілдік жүйенің тарапынан қысымға ұшырап, қызметінен төмендетіліп, Қазақ КСР Геология институтының директоры болып тағайындалған. 1955 жылы — Қазақ КСР Ғылым академиясының президенті болып қайта сайланып, өмірінің соңына дейін осы қызметті атқарған. Қазакстан геологтары жерімізден мол минералды шикізат қорын тауып отыр бұл арада ғұлама ғалым Каныш Имантайұлы Сатбаевтың енбегі ұланғайыр ендігі міндет жаңа экономикалык саясатка сай сол мол қазынаны есепсіз оңды солды шаша бермей бір түйірін де шашау шығармай орнымен жұмсап ұқсатып ел кәдесіне жарату ендігі туралы айтылды. Сондықтан да ұлы ғалымның есімі қазақ халқының тарихында алтын әріппен жазылғаны туралы оқушылар толғана айтып, өзерінің ән жырлары мен билерін билеп өнерлерімен қоса, Қаныш Имантайұлы Сатбаевтың балалық шағынан, әйгілі саясаткер Черчиллмен кездескен кездегі оқиғасынан көріністер көрсетті. Ең алдымен Каныш Сатпаев туралы бейнероликті ұсынды. Келесі кезекте оқушылар Қаныш Имантайұлы Сатбаевтың балалық шағы, студенттік жылдары мен ғылым жолындағы жылдары мен еңбектері және ғалымға қазақ ақындарының арнаған естелік өлеңдері туралы мәліметтерге тоқталып өтті.
10 "В” сынып оқушысы Бекнұрдың орындауында "РАХМЕТ САҒАН ТУҒАН ЕЛ” атты әнді орындап, көрермен көңілінен шықты.
Осы танымдық сағатқа арнап мектебіміздің хореограф Маханова Аселдің үйретуімен" Сәтбаев вальсі”әніне қыздарымыз би билеп, көрермендердің көңілін көтерді.
Бүгінгі ұйымдастырылған танымдық сағатта Қ.И. Сәтбаевтың ғылыми еңбектері, ол туралы ғалымдардың естеліктері, Қазақстан ғалымдарының республикадағы геология, металлогения жөніндегі ғылыми еңбектері мен ақын жазушылардың ғалым туралы естеліктері ұсынылды. Сонымен, танымдық сағатымыздың мақсаты – Қ.И. Сәтбаевтың Қазақстандық ғылымның тарихындағы, қалыптасуы мен дамуындағы, геологияда металлогения бағытының пайда болуындағы көрнекті рөлін көрсету болды. Ұстаздар мен оқушылар танымдық сағаттан алған ой толғауларын ортаға салып өз ойларымен бөлісті.Соңынан барлық оқушылар мен ұстаздар танымдық сағатты "АТАМЕКЕН” әнін хормен айтып аяқтады.
10 "В” сыныптың жетекшісі: Баетова Анар Ермеккызы

0 2024 жылдың 21 ақпанында Мұқағали Мақатаев тірек орта мектебінде (РО) 11 "Б" сынып жетекшісі А.Қ. Бақтыбековичтың ұйымдастыруымен "Әлия - рух" Әлия Молдағұлова - 100 жыл! атты танымдық сағат өткізілді.
Танымдық сағаттың мақсаты: оқушыларды Отанын, елін, туған жерін сүюге, қорғауға баулу, ерлікке тәрбиелеу. Әлияның ерлігіне үңіле түсу, ерліктерін оқып үйрену, тану. Әлия Молдағұлова - кеңес мергені, ефрейтор, Кеңес Одағының батыры. Даңқты батыр қыздың өмірі мен майдандағы өшпес ерліктері туралы слайд-презентация көрсетілімі қойылды, "Әлия майданға келуі", "Әлияға тапсырма", "Сапураға хат" "Әлиямен жүздесу" көріністері қойылды, патриоттық өлеңдер айтылды. Танымдық сағат қысқы сессия аралығында өткізілуіне байланысты М.Мақатаев оқушыларымен қатар магниттік мектептер Ш.Мұртаза, Алға, Еңбекші, Жайсан орта мектеп оқушылары да танымдық сағатқа белсене қатысып, сұрақ-жауаптар қойылып, іс-шараның тарихи мазмұнын қызықтыра түсті. Іс-шара барысында оқушыларға батыр қыздың өмір жолы мен оның ұрыс алаңында жасаған ерлігі көрсетілді. Автоматты уақытқа шашып-жинау сайыстарында, қойылымдарда, "Әлияның жүрегі" "Өніп тұр бір қызыл гүл таста тірі" өлеңдерін мәнерлеп оқуда Жайсан орта мектебінің оқушылары белсенділік танытты, 11 сынып оқушылары соғыс кезіндегі әскери вальс биін орындап, көрермендердің ілтипатына бөленді. Отан үшін отқа түскен батырдың құрметіне бір минут үнсіздік жарияланды.
Іс-шара соңында мектеп мұғалімдері және оқушыларға сөз беріліп, өз ойларын білдірді, директордың эксперимент жөніндегі орынбасары Б.Н.Джексенбаева қорытындылады. Танымдық сағат жоғары деңгейде өтті.

0 27.02.2024 жылы Мұқағали Мақатаев атындағы тірек орта мектебінде (РО), «Құқықтық кеңес беру» айлығының жоспарына сәйкес, Шу АПБ-нің ЖПҚ-ның ювеналдық бөлімшесінің полиция лейтенанты Кыздарбеков Нариман Акбергенович мектептің 1-4сынып оқушыларымен «Балаларды зорлық-зомбылықтан қорғау, олардың құқықтары мен жауапкершілігі туралы» «Жолдағы қауыпсыздық» тақырыбында, түсініктерін қалыптастыру, мақсатында түсіндіру жұмыстарын жүргізді.

0 КОНКУРС ЖАРИЯЛАНАДЫ

«Жамбыл облысы әкімдігінің білім басқармасы Шу ауданының білім бөлімінің Мұқағали Мақатаев атындағы тірек орта мектебі (Ресурстық орталық) КММ».
«Орыс тілі мен әдебиеті пәні мұғалімі» (уақытша) жүктілікке кетуіне байланысты.
- Лауазымдық жалақысы: 100000-150000 тг (еңбек сіңірген жылдарына байланысты)
- Конкурс өтетін орын «Жамбыл облысы әкімдігінің білім басқармасы Шу ауданының білім бөлімінің Мұқағали Мақатаев атындағы тірек орта мектебі (Ресурстық орталық) коммуналдық мемлекеттік мекемесі»
- Мекеменің мекен-жайы: Шу ауданы, Төле би ауылдық округі, Төле би ауылы, Уаш Асатұлы көшесі, 19/1 ғимараты. Анықтама байланыс телефоны: 3-12-58
Конкурсқа қатысушыларға қойылатын талаптар:
1) Біліктілік талаптары: жоғары білімді,
2) Лауазымы: мұғалім
3) Конкурсқа қатысу туралы өтініш;(57 бұйрықтың негізінде 10-қосымшаға сәйкес
4) Жеке басын куәландыратын құжат;
5) Кадрларды есепке алу бойынша толтырылған жеке іспарағы және фото;
6) Педагогтердің үлгілік біліктілік сипаттамаларымен бекітілген
лауазымға қойылатын біліктілік талаптарына сәйкес білім туралы құжаттардың көшірмесі (бар болса)
7) Еңбек қызметін растайтын құжаттың көшірмесі;
8) «Денсаулық сақтау саласындағы есепке алу құжаттамасының
нысандарын бекіту туралы» Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДМС-175/2020 бұйрығымен бекітілген нысан бойынша денсаулық жағдайы туралы анықтама;
9) Психоневрологиялық ұйымнан анықтама;
10) Наркологиялық ұйымнан анықтама;
11) Соттылығы жоқтығы туралы анықтама;
12) Ұлттық біліктілік тестілеу сертификаты немесе педагог, педагог-
модератордың, педагог – сарапшының, педагог- зерттеушінің, педагог- шебердің біліктілік санатының болуы туралы куәлік (болған жағдайда);
13) Бос лауазымға кандидаттың толтырылған бағалау парағы.
(57 бұйрықтың 11- қосымшасы негізінде)
Құжаттарды қабылдау:
Конкурсқа қатысу үшін қажетті құжаттарды хабарландыру
жарияланған күннен бастап жеті жұмыс күні ішінде, «Жамбыл облысы әкімдігінің білім басқармасы Шу ауданының білім бөлімінің Мұқағали Мақатаев атындағы тірек орта мектебі (Ресурстық орталық) коммуналдық мемлекеттік мекемесінің.» қабылдау бөліміне тел.:3-12-58 makataev.shu@yandex.kz құжаттарды ұсынуы тиіс. 27.02.2024-06.03.2024 жж. аралығы.
Конкурстың өткізілетін күні мен орны: 12.03.2024 жылғы сағат 10:00 – де Мұқағали Мақатаев атындағы тірек орта мектебінде
(Ресурстық орталық).

0 М. Мақатаев атындағы тірек орта мектебінің (РО) 2023-2024 оқу жылына құрылған жұмыстық жоспарына сай, 22 ақпанда өзге ұлт өкілдерінің оқушыларымен «Тіл- достықтың алтын көпірі» атты фестиваль өтті.
Мақсаты: Өзге ұлт өкілдері арасында мемлекеттік тіл қазақ тілінің қолданыс аясын кеңейту,өзге ұлт оқушыларының қазақ тіліне деген сүйіспеншілігін арттыру, мемлекеттік тілді құрметтеуге баулу.Мемлекеттік тілді әрбір қазақстандық этнос өкілінің ішкі мәдениетінің ажырамас тіліне айналдыру.
«Толғауы тоқсан қызыл тіл, сөйлеймін десең өзің біл» - деп ұлы Абай атамыз айтқандай, мектебіміздегі өзге ұлт өкілдерінің оқушылары «Дүниедегі ең тәтті де тіл, ең ащы да тіл» тақырыбында көрініс қойды. Фестивальді қазақ тілінде өзге ұлт оқушылары қазақ халқына деген ықыласын, құрметін мәнерлеп өлең оқу жолдарымен жалғастырды. Фестивальді қазақ тілі мен әдебиеті пәні мұғалімдері 6, 7- сынып оқушыларымен өткізді.Олар: Мурадова Гуляра, Буркиевская Карина, Байрамов Рамиль, Афизова Дильдара, Раисова Мадина, Рафатова Айсель, Хан Башир, Гулямова Рейхан, Бекалы Әдемі . Әрине, әр халықтың тілі өзіне ерекше құрметті. Тілдің байлығы, сөздік қорының өсуі халықтың өзіне байланысты. Біздің мемлекет – көп ұлтты мемлекет. Әр ұлттың өзіне тән ата-дәстүрі, ана тілі бар. Әрбір өзін-өзі сыйлайтын ұлт өз болмысын сақтай отырып, өзге ұлттың өзіндік қажеттеріне құрметпен қарайды. Оған дәлел, басқа ұлт өкілдері қазақ тілінде сөйлеуі, қазақша ой ойлауы. «Анамыздың ақ сүтінен бойымызға дарыған тілімізді ұмыту – бүкіл ата-бабамызды, тарихымызды ұмыту» деген Б.Момышұлы. Ана тілімізді құрметтеп, сүйе білейік. Мемлекеттік тілде көп оқып, бір-бірімізбен қазақша сөйлесейік. Бүгінгі ұрпақ ана тіліне жетік, білімді, мәдениетті болуы шарт, – дей отырып бүгінгі «Тіл – достықтың алтын көпірі» атты өзге ұлт оқушыларының арасында ұйымдастырылып отырған фестиваль өз дәрежесінде жетті.

0 Мұқағали Мақатаев атындағы тірек орта мектебінде(РО) ақпан айында қысқы сессия уақытындағы дамыту блогының жоспарының негізінде магниттік мектептермен бірге 10 "А” сынып оқушылардың және сынып жетекшісі Сырымбетова Шынардың ұйымдастыруымен "Мен мамандықты қалай таңдаймын” тақырыбында дөңгелек үстел өтті.
Дөңгелек үстелдің мақсаты: Оқушының өзі таңдайтын мамандық туралы ойын бір жүйеге келтіріп, дұрыс таңдау жасауына көмектесу. Өз бетінше шешім қабылдап, өзіндік мақсатын айқындай білу қабілетін арттыру.
" Ең қызықты мамандықтар” туралы бейнеролик көрсетілді. Сол бейнероликке байланысты бірнеше сұрақтар қойылып әңгіме жүргізілді. Болашақта Қазақстан нарығы мен болашақ дамуына, қажетті сұранысқа ие 10 мамандық түрлері, өмірде мамандық таңдаудағы факторлар туралы да әңгіме өрбіді.
"Психометрия” психолгиялық ахуал аясында
оқушылар өздеріне қай мамандық ұнайтыны, не үшін ұнайтыны жайлы айтты.
Мотивация ретінде Маржан Арапбаеваның " Тек алға” әні қойылып сергіту сәті жүргізілді. Сонымен қатар ұстаздар өздерінің мамандығын қалай, не үшін таңдағаны туралы айтып ой пікірлерімен бөлісті.
Дөңгелек үстелдің соңында директордың ғылыми - әдістемелік ісі жөніндегі орынбасары А. Пазылбекова және директордың эксперимент ісі жөніндегі орынбасары Б. Н. Джексенбаеваға сөз берілді.

0 23 ақпанда Мұқағали Мақатаев атындағы тірек орта мектебінде (РО) қазақ тілі мен әдебиеті пән бірлестігі айлығының жабылу салтанатына арналған "Еркелеп мен өмірді кешіп жүрем..." тақырыбында Хан Тәңірінің Мұзбалағы,тау тұлғалы талант, дарынды дарабоз, "Ғасыр ақыны " атанған, миллиондаған сырлы сезімдердің иесі- Мұқағали Мақатаевтың шығармашылығын дәріптеу мақсатында ерекше ән-кеші өткізілді. Кештің ерекшелігі ақиық ақынның сөзіне жазылған әндерді мұғалімдер өз шәкірттерімен сахна төрінде әуелете шырқай білді. Атап айтсақ, А.Пазылбекова "Бақыт деген" , бастауыш мұғалімі Р.Дауталиева "Қарасазым-ай", Г.Шайдахметова "Естелік", Ж.Уразова "Туған өлке", Б.Әдішев "Жарығым-ай"әнін орындап, көрермен қошеметіне бөленді. Магниттік мектептерден де мұғалімдер мен оқушылар белсене атсалысып, өнерлерін көрсетті. Мәселен, Алға орта мектебінің мұғалімі Бөлдешова Алмагүл мен Доғдырбай Дияс "Күрең күз"әнін және Еңбекші орта мектебінің мұғалімі Абдикаримова Ұлбота мен Сапаралы Сабина "Бақыт деген" әнін шырқап, көрерменге ерекше көңіл-күй сыйлады. Сондай-ақ, сахнада "Аңса жаным", "Мен деп ойла", "Ана,сен бақыттысың" әндері де шырқалды. Балтабаева Зарина ақынның «Есіңе мені алғайсың» атты әнін шырқап, көрермен жүрегін тебіренте білді. Кеш соңында директордың ғылыми ісі жөніндегі орынбасары А.Пазылбекова өзінің кештен алған әсерімен бөлісіп, жылы лебізі мен ризашылығын білдірді. Жыр сүйер қауым ақынның әлеміне тереңірек бойлап, болашақ ұрпақтың еншісі, қадірлеп, қастерлейтін мұрасы екеніне куә болды.

0 23 ақпан сағат 11:00-де дабыл қоңырауы соғылып Мұқағали Мақатаев атындағы тірек орта мектебінің оқушылары мен мұғалім және кіші қызметкерлермен сейсмикалық жаттығу (жер сілкінісіне орай) басталды.Бұл жаттығудың мақсаты оқушыларды ғимараттан шығарып,қауіпсіз жерге орналастыру.Мектептегі электр қуаттарын сөндірілді.Жаттығу ға 1 ауысым оқушылары оның ішінде 680 оқушы,130 шақты мұғалім 40 кіші қызметкер және шағын орталықты бала бағшадағы 50 тәрбиеленуші осы сейсмикалық жаттығу ға қатысты.