0 Мұқағали Мақатаев атындағы тірек орта мектебінде (РО) "Әр бала - жарық жұлдыз!" атты психологиялық кеңес беру айлығының ашылуы өткізілді. Мақсаты: психологиялық кеңес беру бағытындағы жұмыстарды жандандыру.
Ұйымдастырушылар: ДҚТІЖО Мырзаханова Л, мектеп психологтары, кәсіптік бағдар беруші, әлеуметтік педагог.
Психологиялық кеңес беру айлығының ашылу барысында "Жанымда жүр жақсы адам", "Жүректен шыққан жылы сөз", "Шеңбер бойындағы сөз тізбегі" тақырыптарында тренингтер өткізілді.
#Жамбыл_психологиял айлық_2024

0 01.02.2024ж күні М.Мақатаев атындағы тірек орта мектебінде (РО)қысқы сессия барысында «Волейбол» үйірмесінің жетекшілері М.Мухиев, Р.Айтишев, М.Иманбаев тірек мектебі мен магниттік мектептердің 8-9сынып оқушыларының арасында түрлі дене жаттығуларын орындау барысында қозғалыс комбинацияларын жалпылау және жетілдіру, ағзаны қалпына келтіру жаттығуларының құрамын көрсету, шығармашылық және сын тұрғысынан ойлау, жарыс кезінде бір-біріне деген әділдік, жауапкершілігін арттыру, әрқашан барлық жағдайға дайын болу мақсатында «Волейбол» ойынынан жарыс өткізді. Жарыс өте жоғары деңгейде өтті. Командалар сапқа тұрғызылып, әнұран орындалды. Мектеп директоры А.Сихимова өз сөзінде жарысқа қатысып отырған оқушыларға сәттілік тіледі. Директордың ғылыми-әдістемелік ісі жөніндегі орынбасары А.Пазылбекова оқушыларға өз тілегін білдірді. Жарысқа Тірек мектебінен екі, магниттік мектептерден төрт команда қатысып, жеребе тастау арқылы кім-кіммен ойнайтыны анықталды. Оқушылар жақсы көңіл күйде ойын көрсетті. Жинаған ұпайларымен Тірек мектебі 1,2ші орын иеленсе, Алға орта мектебі мен Жайсан орта мектебі 3ші орындарға ие болды. Ойын барысында өз өнерлерімен көзге түскен тірек мектеп оқушысы Д.Сатыбалды «үздік қорғаушы» номинациясымен, А.Бинаділ «үздік шабуылшы» номинациясымен, Ш.Мұртаза мектебінің оқушысы М.Тұңғыш, Еңбекші орта мектебінің оқушысы Н.Әскербек, Алға орта мектебінің оқушысы Р.Дыбыс, Жайсан орта мектебінің оқушысы Б.Ермекбай үздік ойын көрсеткені үшін дипломмен марапатталды.

0 М.Мақатаев атындағы тірек орта мектебінде сессияның басталуына байланысты, 01ақпан күні география пәнінің мұғалімі Казанбаева Гульнур Бейсенбаевна сабақ өткізді. Тақырыбы: Қазақстан халқының ұлттық және діни құрамы.
Мақсаты: Қазақстан халқының ұлттық және діни құрамын анықтау. Қазақстан халқының ұлттық және діни құрамы
Мақсаты: Қазақстан халқының ұлттық және діни құрамын анықтау.
Тапсырма 1. Сөздерге анықтама беріңіздер.
Тапсырма 2 Диаграммаға орналастыр
Тапсырма 3 Сұрақтарға жауап жаз.
Тапсырма 4. Сөзжұмбақ
Тапсырма 5. Кестемен жұмыс
Сабақта белсене қатысқан оқушылар Алға орта мектебінің оқушысы Бинура, Арай; Еңбекші орта мектебінен Бота, Арайлым; М.Мақатаев мектебінен Балжан, Айдын, Ақжан, Азамат, Ибрахим, Нұртілеу, Марау, Жанерке белсене қатысып, өздерін білім жағынан көрсете білді.

0 КОНКУРС ЖАРИЯЛАНАДЫ

«Жамбыл облысы әкімдігінің білім басқармасы Шу ауданының білім бөлімінің Мұқағали Мақатаев атындағы тірек орта мектебі (Ресурстық орталық) КММ».
«Информатика пәні мұғалімі» 16 сағат (уақытша) жүктілікке кетуіне байланысты.
- Лауазымдық жалақысы: 150000-200000 тг (еңбек сіңірген жылдарына байланысты)
- Конкурс өтетін орын «Жамбыл облысы әкімдігінің білім басқармасы Шу ауданының білім бөлімінің Мұқағали Мақатаев атындағы тірек орта мектебі (Ресурстық орталық) коммуналдық мемлекеттік мекемесі»
- Мекеменің мекен-жайы: Шу ауданы, Төле би ауылдық округі, Төле би ауылы, Уаш Асатұлы көшесі, 19/1 ғимараты. Анықтама байланыс телефоны: 3-12-58
Конкурсқа қатысушыларға қойылатын талаптар:
1) Біліктілік талаптары: жоғары білімді,
2) Лауазымы: мұғалім
3) Конкурсқа қатысу туралы өтініш;(57 бұйрықтың негізінде 10-қосымшаға сәйкес
4) Жеке басын куәландыратын құжат;
5) Кадрларды есепке алу бойынша толтырылған жеке іспарағы және фото;
6) Педагогтердің үлгілік біліктілік сипаттамаларымен бекітілген
лауазымға қойылатын біліктілік талаптарына сәйкес білім туралы құжаттардың көшірмесі (бар болса)
7) Еңбек қызметін растайтын құжаттың көшірмесі;
8) «Денсаулық сақтау саласындағы есепке алу құжаттамасының
нысандарын бекіту туралы» Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДМС-175/2020 бұйрығымен бекітілген нысан бойынша денсаулық жағдайы туралы анықтама;
9) Психоневрологиялық ұйымнан анықтама;
10) Наркологиялық ұйымнан анықтама;
11) Соттылығы жоқтығы туралы анықтама;
12) Ұлттық біліктілік тестілеу сертификаты немесе педагог, педагог-
модератордың, педагог – сарапшының, педагог- зерттеушінің, педагог- шебердің біліктілік санатының болуы туралы куәлік (болған жағдайда);
13) Бос лауазымға кандидаттың толтырылған бағалау парағы.
(57 бұйрықтың 11- қосымшасы негізінде)
Құжаттарды қабылдау:
Конкурсқа қатысу үшін қажетті құжаттарды хабарландыру
жарияланған күннен бастап жеті жұмыс күні ішінде, «Жамбыл облысы әкімдігінің білім басқармасы Шу ауданының білім бөлімінің Мұқағали Мақатаев атындағы тірек орта мектебі (Ресурстық орталық) коммуналдық мемлекеттік мекемесінің.» қабылдау бөліміне тел.:3-12-58 makataev.shu@yandex.kz құжаттарды ұсынуы тиіс. 06.02.2024-14.02.2024 жж. аралығы.
Конкурстың өткізілетін күні мен орны: 20.02.2024 жылғы сағат 10:00 – де Мұқағали Мақатаев атындағы тірек орта мектебінде
(Ресурстық орталық).

0 Мұқағали Мақатаев атындағы тірек орта мектебінде (РО) 2024 жылдың 5-ші ақпан күні қысқы сессия уақытындағы дамыту блогының жоспарының негізінде магниттік мектептермен бірге 9 "А" сынып оқушылары және сынып жетекшісі З.Д.Кокееваның ұйымдастыруымен “Ғаламтор және әлеуметтік желілердің пайдасы мен зияны” тақырыбында пікірталас өткізілді.
Пікірталастың мақсаты: Бүкіләлемдік өрмек – интернетке байланысты ақпарат жинақтау. Өз ойларын тиянақты жете айта біліп, өздерін сабырлы әрі тәртіпті ұстауды ескеріп, қарсыластарын тыңдай білуге тәрбиелеу. Оқушыларға интернет туралы толық ой қалыптастыру, оқушыларды тапқырлыққа, ізденімпаздыққа шығармашылыққа баулу.
Пікірталас барысында оқушыларға 8-9 сынып оқушылары арасында жүргізілген сауалнама көрсетіліп, сауалнама бойынша оқушылардың басым бөлігі интернетті 3-4 сағат қолданатындарын да көрсетті.
Сауалнамадан соң оқушылар, жалпы интернет дегеніз не? Интернет қалай пайда болғандығын айтты.
Оқушыларға интернет жайлы көріністер көрсетіліп, оқушылар интернеттің зияны мен пайдасы жайлы өз көзқарастарын айтты. Пікірталасқа, көрермендер де өз ойларын қосып, пікірталас тартысты өтті.
Пікірталастың соңында директордың эксперимент ісі жөніндегі орынбасары Б.Н.Жексенбаеваға сөз кезегі берілді. Магниттік мектептің оқушылары да өздерінің тілектерін білдірді.

0 Мұқағали Мақатаев атындағы тірек орта мектебі (РО) «ДОСБОЛLIKE ДОСТЫҚ ҚОЛЫН ҰСЫН» акциясы бойынша «Бәрімізде бір арман» атты ашық тәрбие сағатты өткізілді.
Мақсаты Оқушыларға арман құндылығы туралы түсініктерін арттыру. Арманның мәні, жету жолдары туралы өзіндік пікірін қалыптастыру. Арманға жету жолында оқушылар не істеу керек екенің үйрету. Өз армандарына сену және орындалатына күмән келтірмеуге баулу. «Арман» құндылығы туралы түсініктерін кеңейту. Арманның мәні,жету жол туралы өзіндік пікірін қалыптастыру. оқушылардың арманға жету жолында мақсаткерліктің маңызды орын алатындығы туралы білімдерін нығайту;
— арманға жету жолындағы әрбір істі оқушыларға сүйіспеншілікпен жасауға тәрбиелеу;
— арманды жүзеге асыру барысында оқушыларды өз ортасымен байланыста болуға жетелеу. Оқушылар ашық тәрбие сағаттына белсене қатысты. Өздерінің ойларын айтты. Өздерінің Арман-мақсаттарымен бөлісті.#Біртұтас_тәрбие @oqu_aqtartu_ministirligi

0 Мұқағали Мақатаев атындағы тірек орта мектебінде (РО) 5-ақпан күні «Жырларым, жылдарыммен жалғасыңдар...» атты қазақ тілі мен әдебиеті пәндері айлығының ашылуы болды. Биылғы оқу жылында қазақ тілі мен әдебиеті пәндері бірлестігінің айлығы Мұқағали атамыздың туған күнімен тұспа-тұс келіпті. Жыл керуені алға жылжыған сайын Мұқағали Мақатаевтың артына қалдырған өшпес мұрасы, жарық жұлдыздай қараңғы түн қойнауынан құпия сәулесін шашқандай жарқырайды.
Кеш қонақтарына «Бауырсақ Party» ұйымдастырылып, жасырылған сұрақтарға жауап беріп, тәтті бауырсақтан ауыз тиді. Ақынның суреттері мен шығармашылығынан жасалған көрме де ұйымдастырылды.
Мұқағалидың өз дауысымен басталған кеш «Аққу» биімен жалғасын тапты. Мың бұрала билеген кішкентай биші қыз биімен көрерменді тәнті етті. Ортада ұлттық нақышта киінген қазақ тілі мен әдебиеті пәнінің ұстаздары Ж.Абдрашева мен Ж.Ахина қоңыр дауыста ақынның өлеңдерін алма кезек оқып, жыр шумақтарынан шашу шашты. Ақынның сөзіне жазылған «Жарығым-ай» әнін қазақ тілі мен әдебиеті пәнінің ұстаздары Г. Ибрагимова, Б.Кусайнова әуелете шырқады. Келесі кезек ақиық ақынның дүниеден өтер шағын сомдаған мектебіміздің оқушылары. Ақын образын сомдаған Құрманалы Е, ақынның жарының ролінде – Жақсылық Ү, балалары – Төлеуқұл Е, Тоқтар А, Сұлтанғали С. Бұл көріністе әрбір кейіпкер өз ролін керемет орындағаны соншалықты, көпшілік қауымның көзіне жас келтіріп, жүректерін тебірентті. Әкенің өмірдегі ойсыраған орнын ешкім, ешбір жан толықтыра алмайды. Артта сағына орнын жоқтап балалары қалды. Көрініс соңы ақынның «Есіңе мені алғайсың» әнімен жалғасын тапты.
Әдеби кеш соңында мектеп директорының эксперимент жөніндегі орынбасары Баян Ниятуллақызы жүрекжарды лебізін білдіріп, оқушыларға жарқын болашақ тілеп, ұстаздар қауымына еңбектерінің жемісін көруді айтты.
Бұл ақынға арналған кеш ақпан айы бойы әр бағытта жалғасын таппақ.

0 Мұқағали Мақатаев атындағы тірек орта мектебі (РО) «ДОСБОЛ LIKE ДОСТЫҚ ҚОЛЫН ҰСЫН» акциясы бойынша Friendship is for always жарыс сабақ өткізілді.
Мақсатты: Оқушыларды білімді, жан-жақты болуға баулу. Білуге үйренуге деген қызығушылығын арттыру. Жарысуға, жарыста жеңімпаз болуға ұмтылуын дамыту. Көшбасшылық қабілеттерінін ояту. Білімді, дарынды, озық болуға тәрбиелеу. Оқушылардың ағылшын тілінде қызығушылығын ояту. Жарыс ойын арқылы тілді меңгерту. Оқушыларды достыққа,мейірімділіке және өз тілін құрметтеуге. Өзге тілді білуге тәрбиелеу. Оқушылар белсене қатысты.

0 Мұқағали Мақатаев атындағы тірек орта мектебі (РО) 2024 жылдың 2-ші ақпан күні қысқы сессия уақытындағы дамыту блогының жоспарының негізінде магниттік мектептермен бірге “8Д”, “8Ә” сынып оқушылары және сынып жетекшісі Р.М.Кашаганованың ұйымдастыруымен “Химия ғажайып әлемі” атты интеллектуалдық жарыс өткізілді. Интеллектуалдық сайыстың мақсаты: Химия пәнінен өтілген тақырыптар бойынша оқушылардың білімін қорытындылап, тақырыпты меңгеру дәрежесін тексеру, химия әлеміне саяхат арқылы білімдерін жинақтау, логикалық ойлау қабілеттерін дамыту. Оқушылардың химия пәніне деген қызығушылықтарын арттыра отырып, шапшаңдыққа тәрбиелеу. Оқушылардың дұрыс шешім қабылдай білу дағдыларын жетілдіру, белсенділік икем дағдысын қалыптастыру.
Сайыстың жүргізу барысы: 6-кезеңнен тұрды. Әр кезең оқушыларға өте қызықты, тартымды болды.
1-кезең “Ойлы болсаң, озып көр”
2-кезең “Тіл өнер”
3-кезең “Мықты болсаң тауып көр”
4-кезең “Зерек болсаң, шешіп көр”
5-кезең “Жүйрік болсаң, шауып көр”
6-кезең “Химик - сараман”
Осы 5-кезең бойынша оқушылар өздерінің білімдерін көрсете білді. 6-кезеңде екі топтың топ басшылары: 8 "Д"-сынып оқушысы Сәулебекқызы Анар өзінің “Хамелеон” және “Ерітіндінің түссізденуі” тақырыбындағы қызықты тәжірибесімен бөлісті. 8"Ә"- сынып оқушылары Бақытжан Абылай мен Баймұрат Ерасыл да, өздерінің қызықты тәжірибелерін “Жанбайтын орамал” және “Спирттің ағзаға зияны” тақырыпта көрсетті. Тәжірибелері өте қызықты өтті. Соңында әділ-қазылар алқасы: мектебіміздің биология пән мұғалімі: Медеубаева Әйгерім тәтей мен Жайсан орта мектебінің химия пән мұғалімі Нұрқасымова Назым тәтей қорытынды жасады. 8”ә - сыныбына 1-орын “Мадақтама” грамотасын, 8”Д-сыныбына 2 - орынды ұсынды. Сайыстың соңында директордың эксперимент ісі жөніндегі орынбасары Б.Н.Жексенбаеваға сөз кезегі берілді. Магниттік мектептің оқушылары да өздерінің тілектерін білдірді.

0 29 қаңтар күні М.Мақатаев атындағы тірек орта мектебінде (РО) магниттік мектеп білім алушылармен қысқы сессия жұмысын бастап кеткен болатын. Осы орайда 01 ақпан күні М.Мақатаев атындағы тірек орта мектебі, Еңбекші орта мектебі және Ш.Мұртаза атындағы орта мектебінің 8 "Е" сынып оқушылары физика пәні мұғалімі Қ.Охаевамен "Өткізгіштерді тізбектей қосу" тақырыбында зертханалық жұмыстарды орындады. Білім алушылар сұлба бойынша тізбекті жинақтап, құралдардың көрсетулерін кестеге жазып алды. Зертханалық жұмысты орындауда М.Мақатаев атындағы тірек орта мектебінен Саулебай Н., Тулеген М., Сұлтан Ғ., Еңбекші орта мектебінен Құдайберген Т., Ш.Мұртаза атындағы орта мектебінен Бұқантай Г., Болат Нұрхат белсене қатысты. Зерттеу мақсатына жетті. Оқушылар зор қызығушылықпен жұмысты орындап шықты.