0
Қаңтар айында «Дос болайық бәріміз» атты трениг өткізілді. 6-7 сыныптың оқушылары белсене қатысты.
Мақсаты: Сыныпта достық қарым-қатынас орнату
Тренингті сәлемдесу жаттығуымен бастадым «Өз есіміңді ерекше ата» (өз есімдеріне сын есім жалғап айту). Келесі жаттығу «Ормандағы ағаштар» ойыны. Мақсаты: Балаларға қозғалуға, демалуға мүмкіндік беру. Оқушылар жатығуды белсенді орындады. Сонымен қатар, «Көңіл-күй неге ұқсас?», «Соқыр паровоз» жаттығуларды орындады. Оқушылардың көңіл күйлері көтеріліп, бойларына сенімділік пайда болды, өздерін сенімді, сергек, тап-таза сезініп қалды.Тренингті бір-біріне тілек айтып аяқтадық.
0
М.Мақатаев атындағы тірек орта мектебінде (РО)«ДосболLIKE» достық қолын ұсын» акциясың салтанатты жиының ашылуы. Дос табу оңай, ал оны сақтау қиын. Сенім мен жарқын көңіл – достықты берік ететін тірек саналады. Өзі шынайы дос бола білген адамның достары да көп болады және жер бетінде өзін жалғыз сезінбейді. Күнделікті өмірде көңіліңе шапағат сәулесін шашып, сенің төрт құбылаңды тең ететін айналаңдағы достарың басы бұзылмағаны қандай жақсы Акцияның мақсаты: Мектеп ортасында жасампаз ұжымдық шығармашылық негізінде позитивті қатынастарды қалыптастыру үшін жағдай жасау.«ДосболLIKE достық қолын ұсын» акциясы шеңберінде оқушылардың жағымды қарым-қатынастары мен эмоционалдықәл-ауқатын дамыту мақсатында17.01.2024 ж-17.02.2024ж аралығында «ДосболLIKE достық қолын ұсын» акциясы өткізілуде.
0
Мақала «Мұғалім әрдайым ізденісте болса ғана, шәкірт жанына нұр құя алады» А.Байтұрсынов Мұқағали Мақатаев атындағы тірек орта мектебінде (РО) қаңтар айының 19 жұлдызында «Қалыптастырушы тапсырмаларды дұрыс әзірлеу арқылы білімдегі олқылықтарды жою» тақырыбында аудандық семинар өтті. Семинардың мақсаты:Қалыптастырушы тапсырмаларды дұрыс әзірлеу арқылы, білімдегі олқылықтарды жоюдың жолдарын қарастыру. Міндеттері: Жаратылыстану пәндері бойынша білімдегі олқылықтарды анықтау; Өткен тақырыптар бойынша олқылықтардың орнын толтыру жұмыстарын жандандыр; Тиімді әдіс-тәсілдерді қолдана отырып, олқылықтарды жоюды қарастыру. Күтілетін нәтиже: Оқушыларға ақпаратты визуалды түрде беру арқылы есте сақтау қабілеттері артады; Білімдегі олқылықтарды анықтау барысында оқушының білім деңгейі артады; Өткен тақырыптарды қайталау арқылы білімдері толығады; Жаратылыстану пәндерінен әртүрлі әдіс-тәсілдер қолдануда оқушының қызығушылығы артады; Семинарды мектеп директоры Алтынкүл Мәдиомарқызы құттықтау сөзімен ашты. Жаратылыстану пәндерінің аудандық білім бөлімінің әдіскері Сержанкүл Әметқызы салтанатты түрде әріптес ұстаздарға сәттілік тіледі. Мектебіміздің психологы Тулеулиева Куралай «Тамаша көңіл күй» атты тренинг өтізіп ұстаздарға тамаша көңіл күй сыйлады.Келесі кезекте бағдарламаның жоспарына сай физика пәнінің мұғалімі жас маман Сайлаубаев Бекнар Әділетұлы «Қалыптастырушы тапсырмаларды әзірлеу» тақырыбындағы коучинде, семинарға қатысушы ұстаздарға біраз сауалдар қоя отырып, ой толғаныс,сауалдарға жауап алып әріптестерінің ойын ұсынысын қорытып рефлексия беріп,кері байланыс жүргізді. Физика пәнінің мұғалімі Акипов Исабали Уматович «Сборка электрической цели и измерение силы тока и наприжения» тақырыбында зертханалық жұмыс, биология пәнінің мұғалімі Медеубаева Айгерім Жуасбекқызының «Тірек – қимыл жүйесінің маңызы мен қызметі», химия пәнінің мұғалімі Кашаганова Риза Маратбекқызының «Химиялық элементтердің табиғи ұяластары және олардың қасиеттері», физика пәнінің мұғалімі Окаева Қарлығаш Қуанышбекқызының «Қатты денелердегі қысым»,биология пәнінің мұғалімі Берзимбетова Рахат Мактабековнаның «Митоз и его фазы», информатика пәнінің мұғалімі Айтбаев Жандос Сатыбалдыұлының «Мобильді қосымша жасау» тақырыбындағы ашық сабақтары жоғарғы деңгейде өтті. Семинар қорытындысында кері байланыс жүргізіліп, сабақ көрсетіп іс-тәжірибесімен бөліскен әріптестерге аудандық білім бөлімінің әдіскері С.Әметқызы сертификаттар тапсырып, ұйымдастырушы директордың ғылыми әдістемелік ісі жөніндегі орынбасары А.Пазылбекова мен психолог Қ.Тилеулиева алғыс хат табыс етті. Семинар соңында концерттік бағдарлама көрсетілді.
0
Мұқағали Мақатаев атындағы тірек орта мектебінде (РО), азаматтық қорғаныс штаб бөлімінің ұйымдастыруымен, 2024 жылдың 23 қаңтар күні «Жер сілкінісі кезіндегі оқушылар, мұғалімдер және қызметкерлердің іс- әрекеті, оларды эвакуациялау» тақырыбында жаттығу өткізілді. Жаттығуға барлығы 445 адам жұмылдырылды. Негізгі жүргізілген іс- шаралар: - дабыл берілген уақыттан кейінгі оқушылардың қауіпсіз аймаққа уақытында шығарылуын штаб құрамы бақылап, сапқа тұрғызды; - сыныптар толық сапқа тұрғызылып, азаматтық штаб мүшелерінің бақылау нәтижесі негізінде, жер сілкінісі кезіндегі оқушылар мен мұғалімдердің іс-әректінің қорытындысы баяндалды. - сапта «Жер сілкінісі кезіндегі оқушылардың, мұғалімдердің қорғану іс- әрекеті» тақырыбында көрнекі түрде жаттығу көрсетілді. Сейсможаттығуға дейін: - Байланыс және хабардар ету жүйесінің дайындығы тексерілді; - Оқушылар арасында оқу-жаттығу өткізілетіні туралы және оны өткізу барысында қандай іс-әрекеттер жасайтыны жөнінде толық көлемде түсіндірме жұмыстары жүргізілді; - Әр сыныпта алдын ала «Жер сілкінісі қаупі орын алған жағдайдағы әрекеттер» тақырыбында сынып сабақтар өткізілді.
0
М.Мақатаев атындағы тірек орта мектебінде (РО) 2024 жылдың қаңтар айының 18і күні директордың эксперимент ісі жөніндегі орынбасары Б.Джексенбаева, әлеуметтік педагог Г.Кишкашева жәнеде үйірме жетекшілерімен магниттік мектептерге: Еңбекші орта мектебі, Жайсан орта мектебі, Алға орта мектебіне сессияалды даярлық жұмыстары, оқушылармен түсіндірме жұмыстары жүргізілді. Қаңтар айының 29ы күні мен ақпан айының 9ы күндері аралығында 8-9сыныптарға, ақпан айының 12-23 күндері аралығында 10-11сыныптарға қысқы сессия дәстүрлі түрде өтеді.
Алға орта мектебі, Жайсан орта мектебі, Еңбекші орта мектебі, Ш.Мұртаза атындағы мектептерден 8-11 сыныптар бойынша барлығы –170 оқушы қамтылады.
Сессия жұмыстарын жүзеге асыру мақсатында жоспарлар жасалынды.
0
16.01.2024 ж. М.Мақатаев атындағы тірек орта мектебінің математика пән мұғалімі Кыздарбекова С.М. 11 "В” сыныбымен "Комплекс сандарға амалдар қолдану” тақырыбында ашық сабақ өткізді.Сабақтың мақсаты:алгебралық түрдегі комплекс сандарға амалдар қолдану. Оқушылар сабақ барысында Learning apps, Kahoot платформалары арқылы топтық, жұптық, жеке жұмыс жүргізе отырып, Padlet те кері байланыс берді.Сабақ мақсатына сәйкес ұтымды әдіс-тәсілдер пайдалана білді.Сабақ өз мақсатына жетті.
0
М.Мақатаев атындағы тірек орта мектебінде (РО) қаңтар айының 18 күні ағылшын тілі пәні мұғалімі Уразова Жансая Бақтыгерейқызы 5"Б" сынып оқушыларымен "Music" тақырыбында ашық сабақ өткізді Сабақтың мақсаты: learn about types of music and musical instruments; practice listening skills; read the text about kazakh traditional instrument; practice Present Continuous in affermative, negative and question sentences. Ашық сабақтың мақсаты: оқушылардың білімін жетілдіру; сөздік қорын молайту; ағылшын тілін меңгерту; ағылшын тілінде еркін сөйлеуге дағдыландыру; музыкалық аспаптар туралы сыни тұрғыдан ойлана алуды және өз ойларын еркін жеткізе білуге үйрету.
Сабақтың құрылымы жаңартылған білім мазмұны бойынша құрылған. Мұғалім оқушыларға сабаққа деген қызығушылығын арттыратын, заман ағымына ілесе алатын, мол ақпаратты меңгере алатын тапсырмаларды дайындады.
Мұғалім сабақтың барысында тақырыпты ашу үшін видеоролик көрсетті, жаңа сөздерді таныстырды және тыңдалым арқылы музыка түрлері мен аспаптарды сәйкестендіруді ұсынды. Оқушыларға Present Continuous (нақ осы шақ) грамматикасын түсіндірді. Оқушылар "Нақ осы шағына" байланысты болымды, болымсыз және сұраулы сөйлемдер құрастырды. Қазақтың ұлттық аспабы "Домбыра" мәтінін оқып, мәтінге байланысты топтық тапсырма орындады. Оқу барысында тыңдалым, жазылым, оқылым және сөйлеу дағдыларының барлығы қамтылды. Сабақ жоспарға сай, жоғары деңгейде өтті.
0
18 қаңтар күні2024жылы Мұқағали Мақатаев атындағы тірек орта мектебінде ағылшын тілі мұғалімі Оңласын Динара Ырымқызы 6 «А» сынып оқушыларымен «Countable and uncountable nouns»тақырыбында ашық сабақ өтті.Сабақтың мақсаты; оқушылардың оқылым, жазылым, тыңдалым, сөйлеу дағдыларын дамыту; Many, much, a lot of\lots of, afew, a little есімдіктерін қолдану; тақырып бойынша ақпарат алу мақсатында қарапайым сұрақтар қою және жауап беру. Сабақ жаңартылған бағдарлама негізінде құрастырылған.Сабақтың құрылымы жүйелі. Мұғалім жаңа технологияларды, техникалық құралдарды сабақта тиімді қолдана білді. Оқушылар бұрынғы білетін материалдарын жаңа ақпараттармен толықтырды. Сыныптағы барлық оқушылар сабаққа қатысып, бағаланып отырды. Оқылым, жазылым, тыңдалым, сөйлеу дағдыларын дамытуда ауызша, жазбаша тапсырмалар орындалды. Топтық, жұптық жән жеке жұмыстар жүргізілді. Сабақ жоғары деңгейде өтті.
0
М.Мақатаев атындағы тірек орта мектебінде (РО) қаңтар айының 17 жұлдызы 5"Д" сыныбында "Professions" тақырыбында ашық сабақ өткізілді. Өткізген мұғалім Казимова Лейла Маликовна. Сабақтың оқу мақсаты: learn about types of jobs and professions; work in group and individually. Ашық сабақ өтудегі мақсат: оқушылардың білімдерін кеңейту, ағылшын тілін меңгерту, ағылшын тіліне деген қызығушылығын арттыру, еркін сөйлеуге дағдыландыру.
Сабақтың барысында тақырыпты ашу үшін видеоролик көрсетілді, жаңа сөздермен танысты, жаңа сөздерді есте сақтау үшін әр түрлі тапсырмалар жасатылды. Бірінші тапсырма карточка арқылы to be етістігін қайталау, екінші және үшінші тапсырмалар топпен жұмыс True or False, unscramble words. Оқушылар "Professions" тақырыбын меңгеріп, ағылшын тілінде сөйледі. Сабақ барысында кері байланыс болып, рефлексия жүргізілді. Дискрипторға сай оқушылар жұмысы бағаланды. Сабақтың соңында бағалау болып, сыныптың білім сапасы 80℅ көрсетті.
